Ótù ihe ngosị ebe ndị agha Naijiria na mba France na-ebutu ngwa agha n’ụzọ apụtala na soshal midia.
Ihe ngosị a pụtara ìhè n’etiti ebubo gbasara ebumnuche France nyere Naijiria.
N’ozi Mohammed Idris, onye minista na-ahụ maka ozi na Naijiria bipụtara n’ubọchị Thursday, ọ gonayiri nya bụ ebubo na Naijiria enyela France ụfọdụ ala ha ka ha hibe ọdụ ndị agha ha.
Onye minista a biputara ozi a dịka akụkọ na Naijiria na France na-arụkọ iji were ndị agha terrorist mesaa obodo Niger Republic.
N’izu ụka gara-aga, Mahdi Shehu, onye na-atụnye onu n’okwu gbasara ndọrọndọrọ ọchịchị, kwuru na atụmatụ ihibe ụlọ ndị agha France na mpaghara north-east nke Naijiria nọ n’ụzọ, dịka Femi Oluyede, onye isi ndi army, nabatachara ndị agha France na Naijiria.
K’osiladị, isi ụlọ ọrụ ndị agha Naijiria bụ Defence Headquarters kwuru na ya bụ ozi “eweghị isi”.
Ịtunye ọnụ n’okwu Idris n’ụbọchị Thursday, Shehu gwara onye isi ndị agha Naijiria ka ọ kwụsị agụgọ ọ na-agọ gbasara nya bụ okwu.
N’ihe ngosị nke Shehu mechara wetuo n’asafe soshal mịdia ya, a hụrụ ka áṅùrù ọkụ sị n’ụgbọ ala biara jụ n’eluigwe dịka ndị agha Naijiria na-ebutusi ngwa ahịa n’ụgbọ truck ahụ, ebe ndị agha France n’ebutu ụgbọelu site n’ụgbọ elu ọzọ na-ebu ibu.
A hụrụ ụgbọala ka ha na-agbafesi dịka akpụ ụkwụ ndị agha na-agagharị ebe ahụ, na-eme mkpọtụ n’ala.
Ụgbọala bus abụọ nwere ọkọlọtọ ndị France ka a hụrụ ka o bụ ndị agha obodo ahụ gafee n’ihe ngosị ahụ.
Otu onye agha Naijiria kwuru n’ihe nkirị ahụ na ndị agha obodo abụọ ahụ ahapụla ogige a nọrọ zụọ ha gbasara ịmemila ndị omekome.
K’osiladi, TheCable chọpụtara na ihe ngosị ahụ aputala na ìgwè soshal mịdia kamgbe afọ 2013.
Ụlọ ozi Associated Press (AP) kwuru na ndị agha ahụ so ná ndị agha ECOWAS zitere maka ịme ụdọ n’ogige ahụ.
“E nwere ndị agha Naijiria otu narị na iri ise n’isii (156), ndị agha Togo narị (100), ndị agha iri abụọ n’ise si Benin, ya na ndị agha iri abụọ n’ise ọzọ si obodo Benin na-abịa n’abalị a,” otu onye agha Colonel ndị obodo France ka AP sịrị kwuru n’ihe ngosị ahụ.
Ndị agha ahụ batara n’ọdụ ụgbọelu Senou International Airport dị na Bamako nke obodo Mali — ótù n’ị́mé obodo a tụrụ anya na ndị agha ahụ ga eme ụdọ na ya.
