One post claim sey Afrobeats star Davido and im wife, Chioma Adeleke, dey expect anoda pikin.
Joshua Ijeakhena, one social media user, naim post di claim. E gada pass 26,000 likes and one thousand comments.
Di post wey don turn viral show Davido and Chioma for foto as dem wear to match wit brown dress
For one of di foto, Davido hold im wife for her waist as di couple dey smile.
Chioma folo get belle for di foto.
“Aww, Chioma Adeleke get bellet! Davido and im wife, Chioma Adeleke, dey expect baby nomba three. Dem share di good news afta Davido birthday celebration,” na so di post tok.
Di post appear here, here, and here.
WETIN WE CHECK
CableCheck observe sey di all di na screenshots from video .
CableCheck notice sey dem bin get di foto from di video wey Chioma share to celebrate Davido 33rd birthday.
Chioma bin post some foto and videos for her Instagram page to celebrate her husband 33rd birthday.
No be small party Davido do for im 33rd birthday as im folo announce new album for 2026.
Howeva, e be like sey make di video during di foto shoot of dia twins wey dem born for 2023.
Davido and Chioma bin make sure sey dem hide dia children from outside pipu since dem born dem.
Dem born di twins for di United States one year afta dia first pikin, Ifeanyi, die.
One more search show sey Chioma bin no get belle for one recent Adeleke family party.
Anoda foto Davido surprise birthday party no show Chioma wit belle.
Also, CableCheck notice sey no beta media platform report tori sey di couple bin dey expect anoda pikin.
FINAL TOK
Evidence no dey to suggest sey Davido and Chioma dey expect anoda pikin. Beta media outlets for cari dat kain tori.
