One foto wey show as Peter Obi, di Labour Party presidential candidate for di 2023 elections, dey greet Musiliu Akinsanya aka MC Oluomo, don go viral for social media.
Oluomo enta office on November 11 as di president of the National Union of Road Transport Workers (NURTW).
For di foto wey dem share for WhatsApp, e be like Obi dey tanda beside Oluomo, wey dey wear white ‘Agbada’.
Di image, allegedly posted by goldmynetv, folo waka around with caption wey be like sey Obi dey ready to work wit di NURTW president.
“Peter Obi greet MC Oluomo, promise to work wit am as di new NURTW National President!” na so di post tok.
WETIN WE CHECK
TheCable check di foto wit reverse image search see set di white ‘Agbada’ wey Oluomo wear for di foto na di same one im wear di day im enta office.
TheCable also observe sey no confam media platform bin report di tori. Goldmynetv Instagram page also bin no get di post for dia page.
We still do analysis of di foto wit fotoforensic, one tool for digital foto investigation, and e show sey difference bin dey for Obi cloth. Di objects for di original foto bin get white detailing, meaning sey even di Instagram page na photoshop — e bin get inconsistent colour.
You fit check di result of di analysis here.
FINAL TOK
Di foto wey show as Peter Obi dey greet Oluomo na photoshop.
