One TikTok account — @panafrica069 — don publish one video wey claims sey Ibrahim Traore, head of di military junta for Burkina Faso, declare sey govment go stop to dey collect taxes from individuals and businesses for di West African kontri.
Di TikTok video wey comot April 1 get voiceover wey claim sey Traore make history by turning Burkina Faso into di first African tax-free kontri.
“Ibrahim Traore declare Burkina Faso as tax-free nation” na so di caption of di video tok. Pipu don share am pass 7,000 times wit ova 29,000 likes and 2,000 comments.
For di video, one AI-generated newscaster dey read one fake script while voiceover dey play underground with oda background videos.
Di voiceover also claim sey Elon Musk, di CEO of microblogging platform X, dey consider move im businesses go Burkina Faso sake of di policy.
Di voiceover also claim sey Western kontris dey consider sanctions against Burkina Faso to stop di tax policy.
Di TikTok account also post oda videos wey show policies and initiatives wey di Traore-led military govment no start.
Since Traore take ova office in September 2022, plenti AI-generated multimedia content don wash di internet to paint Traore military regime for good light.
Policies wey Traore no start bin dey wrongly attached to di military junta for Burkina Faso. Analysts don attribute dis activities to di Russian elements wey dey di Sahel region
WETIN WE CHECK
One of di clips for di TikTok video show as Traore dey tok for event. Using Google Lens to conduct reverse image search ontop di screenshots, CableCheck find one news article from di Africa24TV website.
Di video show as Traore dey tok for di 2024 Academic Excellence Day for Burkina Faso, wey hapun on August 23, 2024, and e bin dey attached to di news report.
Di video clip from Traore speech for di Academic Excellence Day event bin dey falsely used to show sey di military leader declare tax-free regime for diWest African kontri.
CableCheck also check Burkina Faso’s newspapers and di official social media accounts of di govment but evidence no dey to show sey Traore declare tax-free policy for businesses and individuals for di kontro.
In December 2024, di transitional parliament for Burkina Faso approve the 2025 Finance Act. For di legislation, dem amend some tax policies and amendments. One of di new provisions for di law be sey from January 2025, pipu wey dey sell goods and provide services ontop e-commerce platforms go pay taxes.
FINAL TOK
Di video wey claim sey Traore don declared sey pipu no go pay tax for Burkina Faso na AI-generated.
