One video wey show as Thomas Partey, Ghanaian midfielder and former Arsenal player, allegedly blame im rape charges on racism dey trend for social media.
For di video, di lay di background voice ontop Partey’s image wey sey im rape allegation get connection wit im refusal to sign new contract for Arsenal.
“I no do am. Dem dey always wan accuse me of rape but na wetin dey wen you black and no gree renew contract for big clubs like Arsenal,” na so di background voice tok.
“But I don ready. I go rather go jail dan to play for Arsenal again.”
Di video dey X, Facebook, and TikTok. CableCheck notice sey di version of di video wey go viral bin comot from one TikTok account, @sserona12.
Di TikTok handle, wey get over 150,000 followers, post di video on Saturday come write: “Dem dey accuse Thomas Partey of rape”. Di video don gada pass 5 million views to date.
Screenshot of di video for TikTok.
Dem post di video here and here.
Di video also appear online afta dem charge Partey wit five counts of rape and one count of sexual assault for di United Kingdom.
According to di UK Metropolitan Police, di offences bin allegedly hapun between 2021 and 2022.
Di allegations involve three different women wey claim sey di suspect rape and sexually assault dem.
Partey go appear for Westminster Magistrates Court on August 5.
Partey contract wit Arsenal bin expire on June 30, 2025.
Some rumours bin dey fly around sey contract renewal between di player and di North London club reportedly collapse. Dis mean sey Partey na free-agent player and im no dey currently tied to contract with any club.
WETIN WE CHECK
CableCheck notice sey di mouth area of Partey for di video bin dey blurred, which suggest sey e no fit bi im voice wey de di video.
To check for di location of di original video, CableCheck analyse keyframes of di video for Google Lens.
The results show sey dem post di original video for Instagram on October 8, 2020, shortly afta di Ghanaian midfielder complete one £45 million transfer to Arsenal from Spanish club Atletico Madrid.
For di original video, Partey bin dey tell Arsenal fans sey im fit wait to join di team as new player, as im dey appreciate di fans.
Some news websites also publish di video.
Searches also reveal sey Partey neva make any comment about di rape accusations for im official social media handles.
FINAL TOK
Di viral video wey show as Partey dey blame im rape allegations on racism dey digitally modified.
