One tori wey dey tok wetin dey di mind of di three presidential candidates for 2023 presidential elections don comot for social media.
Di tori tok say nobody for inside di candidates dey contest for money. Pipu yarn say na Sanusi Lamido Sanusi, former govnor for central bank of Nigeria (CBN), write am.
Di first part of di post say, “One funny tin be say none of dis 3 pipu dey find money for dis president title.”
Di tori follow tok say Atiku Abubakar, presidential candidate for Peoples Democratic Party (PDP) don chop di country “well well”. Di tori tok say Atiku just wan make dem call am “president” by faya by force.
E come tok say Bola Tinubu, presidential candidate for diAll Progressives Congress (APC), just wan become president because e don dey hungry am since im enter politics. Di tori say, “Di main tin be say im just wan show us pepper wit corruption.”
Ontop Peter Obi, di presidential candidate for Labour Party, di post say di former govnor of Anambra na man wey notin dey enter im eye. Obi just wan save Nigeria from di big wahala wey dey come, di post tok again say na why im wan be president be dat.
Since June 19 wey di post comot, plenty pipu don share am for Twitter, Facebook and oda social media platforms.
CeleSylv Updates, one Facebook page wey get 70,000 followers share am on June 19. Di post get more dan 3,000 shares, 1,800 likes and 1,400 comments.
One Twitter user, Fame Kid, post di tweet at for 2:29pm dat same day and e come get pass 2,000 likes and 1,301 retweets.
Today being #June19 Sanusi the former CBN Governor describes the three Presidential candidates in his own word 👇👇#WorldSickleCellDay #ASUU kirikiri Obi's VP Consent Ruger Ckay Rufai Airtel #PeterObiForPresident2023 pic.twitter.com/ahXne7OZA5
— FÄMËKīīD🇳🇬⚕️ (@famekiid_) June 19, 2022
Max Vayshia, anoda user wey post di tori, get pass 1, 300 likes, 873 retweets and 57 comments.
Listen, there has been NO better description of the 3 Presidential aspirants than this. I promise you, you won't be getting a better description of Peter Obi, Jagaban and Atiku. Sanusi is SPOT ON on this. READ👇🏾 pic.twitter.com/ILLUu34otH
— Maxvayshia™ (@maxvayshia) June 19, 2022
I just saw this flying around, Have you read the way Mohammad Sanusi described the three presidential candidates!
Atiku | tinubu | Peter Obi
I can see some comments online backlashing the post. Whichever way the post is 100% truth.
It is left for us to make our own decisions. pic.twitter.com/0C9TY0xbYG
— Hauwa (@hauwaladisanusi) June 19, 2022
https://twitter.com/austine_okpegwa/status/1538592999638171653?ref_src=twsrc%5Etfw%7Ctwcamp%5Etweetembed%7Ctwterm%5E1538592999638171653%7Ctwgr%5E%7Ctwcon%5Es1_&ref_url=https%3A%2F%2Fwww.thecable.ng%2Ffact-check-did-sanusi-author-viral-write-up-on-atiku-tinubu-and-obi
Di comments show say plenti social media users believe di story sotey dem even praise di pesin wey write am.
Wetin we check
As TheCable check, we see say no beta media platform post di tori wey pipu claim say na di former CBN govnor write.
We con askSanusi weda na him write am, he say no. “No be me write dat tori, na fake news,” na so Sanusi tell TheCable.
Final Tok
Di post wey dey tok about di real reason why Atiku, Tinubu and Obi wan be president no be true. No be Sanusi Lamido Sanusi write am.
