Ózí a hụtara na soshal midia kwuru na ụlọ ọme iwu Naijiria emeputala iwu megidere “mpụ e ji ịntanetị eme nke afọ 2025”.
E kesara nya bụ ozị ọkachasị na X, WhatsApp, na Facebook.
Ozi ahụ kwukwara na iwu ahụ bụzi nke “pụtara ìhè na Naijiria ma bụrụkwa nke mmadu nwere ike ịga nga ma o meghe”.
“Ụlọ ome iwu nke Naịjiria n’okpuru ọchịchị Godswill Akpabio, onye isi ụlọ ome iwu senati, e meputala iwu megidere mpụ e ji ịntanetị eme nke afọ 2025. Nke a pụtara na iwu ahụ pụta ihe ọfụma na Naijiria,” ụfọdụ akụkụ ozị ahụ kwuru.
“Ọ bụrụ na ị bụ onye ji ịntanetị dịka (WhatsApp, Facebook na Telegram) ebipụta ozi, o kwesịrị ka ị mata ihe ozi ahụ na-ekwu, maka na a gaghị anabata na ị maghị ihe iwu kwuru.”
Ozi ahụ nke na-ewu ewu kwuru na onye ọbụla nke nyopuru ekwentị onye ọzọ n’ụzọ n’ezighi ezi “ga-aga nga afọ ise”.
Ọtụtụ ndị na X jiri ihe ngosi Akpabio bipụta nya bụ ozị.
Daddy Freeze, onye nta akụkụ Naijiria a mara ọfụma bipụtara ihe ngosị ozi ahụ na asafe Facebook ya ma kwuo sị “ezigbo ọrụ ị na-arụ onye omeiwu Akpabio, kee nkwucha n’ụdị ozi ị na ebiputa na soshal midia. Kedu ihe ụnụ chere maka iwu a?”
Otu onye na X bụ @emmaikumeh bipụtara ozị ahụ ma dee n’okpuru ya sị ” dịka m hụrụ na WhatsApp”. Ozi ahụ nke e bipụtara n’ụbọchị iri n’atọ nke ọnwa August enwetala ihe karịrị nkesa narị abụọ (200 reposts), nkesa nwere ntụnye uche iri atọ (30 quotes), na nkwenye narị anọ (400 likes).
E chekwara ugodu ozi ahụ ebe a, n’ebe a.
ŃNYÒCHÁ
Ọchịchọ CableCheck mere gosịrị na Naijiria enweghị “iwu megidere mpụ e ji ịntanetị eme nke afọ 2025”. Ihe obodo ahụ nwere bụ “iwu nke edozighariri nke megidere mpụ eji intanetị eme nke afọ 2024”.
Onye isiala Bola Tinubu bianyere aka n’iwu ahụ n’ụbọchị iri abụọ n’asatọ nke afọ 2024. E mepụtara iwu nke afọ 2024 iji dozie ụfọdụ akụkụ iwu ahụ nke afọ 2015.
CableCheck chọpụtara na ozi ahụ bidoro iwu na mbido ọnwa August — oge ndị omeiwu Naijiria gara ezumike.
N’ụbọchị iri abụọ n’atọ, ụlọ omeiwu senate gara ezumike nke afọ a, ebe a tụrụ anya na ha ga-ebido ọrụ n’ụbọchị iri abụọ n’atọ nke ọnwa Septemba.
Ụlọ omeiwu nke dị àlà gakwara ezumike nke afọ a n’ụbọchị iri abụọ n’asaa nke ọnwa July(July 27). Iwu ahụ apụghị ịbụ iwu ma ọ bụrụ na ụlọ omeiwu abụọ nke Naijiria nọ n’ezumike.
Ihe ndị anyị hutara mejupụtara nya bụ iwu abụghị ihe ndị dị n’iwu nke afọ 2024.
ŃCHỊ́KỌ́TÁ
Ozi nke na-ekwu na ụlọ omeiwu Naijiria emeputala iwu megidere mpụ e ji ịntanetị eme nke afọ 2025 bụ asị.
