Ótù ozi na soshal midia ekwuola na ọchịchị etiti gbanwere ụlọ akwụkwọ sekọndrị ndị gọọmentị etiti nwe, ka ọ bụrụ nke ótù onye nwe.
Nya bụ onye kọwara onwe ya dịka Olorunyemi Kehinde Patrick na Facebook kwuru sị na onye isi ala Bola Tinubu “na-enweghị ijuanya ọbụla” kwuputara nke a dịka atụmatụ iji “webata ụzọ ịna ụtụ ọzọ.”
Na ozi ahụ, onye a kwuru na ụmụ akwụkwọ niile nọ na ogo sekọndrị nke gọọmentị etiti nwe ga-akwụ ụgwọ akwụkwọ ruru puku narị naira atọ na iri asatọ (N380,000), kwa oge ọmụmụ.
Onye a gara n’ihu deputa nkọwa ịgosị ihe mejuputara ụgwọ akwụkwọ ahụ na ihe o jiri ruo puku narị naira atọ na iri asatọ, nke ọ sị na puku iri itoolu na asaa (N97, 000) bụ maka ụgwọ akwụkwọ; puku naira iri (N10,000) bụ maka ụgwọ ịbị n’ụlọ akwụkwọ; puku naira iri na ise (N45,000) bụ maka ụgwọ akwụkwọ ọgụgụ; ebe puku naira iri n’atọ bụ maka ego akwụkwọ e ji ede ihe.
Ụgwọ ndị ọzọ gụnyere puku naira iri ise (N50,000) maka akwa akwụkwọ; puku naira iri (N10,000) bụ maka insurance; puku naira ise bụ maka mkpịsị edemede na ihe ndị ọzọ eji ede ihe, tinyere puku naira iri nke bụ maka ọ̀mụ̀mụ̀ ihe ndị ọzọ.
“Ọ bụrụ na o si n’ọnụ Tinubu pụta, ọ bụghị akụkọ ọhụrụ. Ọ bụrụ na ọ bụghị n’ọchịchị ya ka nke a mere, mgbe ahụ ka ọ ga-abụ akụkọ,” onye a dere.
“Ikekwe ọ bụrụ ụzọ ọzọ o ji ana ụlọ akwụkwọ sekọndrị ụtụ tax, iji nweta ego ọ ga-eji zụtara Akpabio na Abbas ụgbọ elu ọhụrụ, maka “nkwado” ha niile n’ịhụ na e mebiri Naijiria.”
Ozi a enwetara nkwenye ruru iri asaato (80 likes), ntụnye iri asaa n’asaa (77 comments ), ya na nkesa iri abụọ n’isii (26 reposts).
ÍNYÒCHÀ ÓKWÚ À
TheCable hụrụ ọtụtụ ihe n’ezighi ezi na okwu a, dị ka amaghị were dee nya bụ okwu, tinyere adresị nke na-ezighi ezi.
Nke mbu bụ otu n’ime ụgwọ ndị okwu a sịrị na-a na-akwụ, nke bu ụgwọ “school media” na bekee, bụ nke onye a deghere dịka “skool media”.
Ọzọkwa, onye a kwuru na ụgwọ ndị ahụ bụ nke sitere na ngalaba “office of the director, senior secondary school education operatives” ńké kwesịrị ịbụ “office of the director, senior secondary school department” — adreesị ziri ezi.
TheCable chọpụtakwara na e nwere ọdịiche dị n’etiti akara signature dị na ozi a, na nke Binta Abdulkadir, onye bụ onye ndu nke ọmụmụ sekọndrị.
Anyị chọpụtara na ụfọdụ ụlọ ozi amara ọfụma e bipụtaghị nya bụ ozi, kama naanị ụfọdụ ndị na-ede blọgụ ka a hụtara kesara ya bụ ozi.
Minisitri nke agụmakwụkwọ nke ọchịchị etiti ekwuola na ozi ahụ ezighị ezi.
Minisitri ahụ kwuru na ego kachasị elu nke ụmụ akwụkwọ federal unity colleges (FUCs) na-akwụ bụ puku narị naira (N100,000), nke bụ maka ụmụ akwụkwọ ọhụrụ, nke bụ maka akwa akwụkwọ ọhụrụ ha na ihe ndị ọzọ e ji ede ihe.
Minisitri a kwuru na nkwupụta a bụ mbọ “ịweta ọgbaghara n’etiti ndị nne na nna ụmụ akwụkwọ.”
ŃCHỊ́KỌ́TÁ
Okwu na gọọmentị etiti eweliele ụgwọ akwụkwọ nke Federal Unity Schools ruo puku narị naira atọ na iri asatọ (N380,000) bụ asị.
