Ótù onye na soshal midia ekwuola na onye bụbụrụ onye isiala Naijiria bụ Olusegun Obasanjo atụnyele ọnụ n’okwu ndọrọndọrọ ọchịchị nke Rivers steeti.
Dịka ozi ahụ kwụrụ, Obasanjo k’asị na ọ gara ịhụ Fubara, ma gwa ya ka o wepu ndị nche niile nke ndị omeiwu na steeti ahụ.
Ozi ahụ kwukwara na Obasanjo dụrụ Fubara ọdụ̀ ka o mechie ụlọrụ Nigeria National Petroleum Company (NNPC) na Niger-Delta Development Commission (NDDC), ya na ka ọ kụtuo ebe ọbụla a na-atụ anya ịnọ were wepu ya n’ọchịchị.
Ozi a nke e bipụtara na X n’ụbọchị Tuesday, enwetala nkwenye pụku anọ n’ụma narị atọ (4.3k likes), nkesa otu puku n’ụma narị ise (1.5k reposts), na ntụnye ọnụ narị isi n’iri abụọ (620 comments).
“OBJ e jirila iwe kwuo — mechie ụlọ omeiwu Rivers steeti, kwubie ọnọdụ mberede na steetị ahụ, Obasanjo e jee ileta Fubara,” ozi ahụ kwuru.
“Napu ndị omeiwu ahụ ndị nche ha niile, mechie NNPC, NDDC, ma mebia ogige ọbụla a na-àkwádó ịnọ were chụpụ gị n’ọchịchị.
“Ọ bụ gị bụ gọvanọ ndị steeti gị họpụtara, ị bụ̀ onye ísí nche nke steeti Rivers. Ịhe ị kwuru bụ nke ga-eme — ọ bụghị Tinubu maọbụ Wike tinyere gị n’ọchịchị, mebisie ụlọ ọbụla achọrọ ịnọ were chụpụ gị n’ọchịchị. Tinubu chọrọ ntụnye votụ ndị Rivers ịji merie na ntụli aka nke afọ 2027.”
ŃSÒGBỤ́ ǸDỌ̀RỌ̀NDỌ́RỌ́ Ọ̀CHỊ́CHỊ́ ǸKÈ RIVERS STEETI
Rivers steetị nọ n’etiti nsogbu nke ndọrọndọrọ ọchịchị n’ihi ọ́zụ́zọ́ onye ga-enwe ike ịtụ ihe ga-eme na steetị ahụ nke dị n’etiti Siminalayi Fubara na Nyesom Wike, onye minista isi ala Naịjiria.
N’ụbọchị Monday, nsogbu a bịara rịa elu dịka ndị omeiwu steeti ahụ bidoro usoro iwepu Fubara na Ngozi Odu, osote ya, n’ọchịchị n’ihi “ajọ omume ha”.
N’ụbọchị iri abụọ n’asatọ nke ọnwa Febụwarị, ụlọ ikpe kachasị elu bụ Supreme Court nyere iwu mabidoro ụlọ akụ Central Bank na onye ngụkọ ego Naijiria bụ accountant-general, iwu ka ha hara inye steeti ahụ ego otu afọ nke ruru ha.
Ụlọ ikpe ahụ jụrụkwara ịnabata ntulịaka elu e mere na mpaghara ime obodo steeti ahụ bụ LGA, n’ụbọchị ise nke ọnwa October nke afọ 2024. N’otu aka ahụ, Fubara kwetara ịsonye na iwu ụlọ ikpe ahụ iji beleta nsogbu dị na steeti ahụ.
K’osiladị ụlọ omeiwu wegara nnọkọ ha ihu, dịka Fubara degaara ha akwụkwọ ị mata mgbe ọ ga-eweta akwụkwọ edere ego atụrụ anya na steeti ahụ ga-emefu n’otu afọ nke a kpọrọ appropration bill.
E nwela ọtụtụ oku olu ndị na-akpọ maka iweghachita udo na steeti ahụ.
ÍNYÒCHÀ ÓKWÚ À
CableCheck kpọtụrụ Kehinde Akinyemi, onye nkwuchita ọnụ Obasanjo, onye kwụrụ na nya bụ ozi bụ asị.
Akinyemi kwụrụ na Obasanjo a gaghị ịhụ Fubara maọbụ gwa ya ka ọ napụ ndị omeiwu steeti ahụ ndị nchekwa ha.
“Dika ị mara, Obasanjo enweghị asafe na soshal mịdia, o kwughị ihe dị otu a,” Akinyemi kwuru.
Anyị chọpụtakwara na onweghi ụlọ ozi ma nke ha riri bipụtara nya bụ ozi.
Na mgbakwunye, Rivers steetị kwupụtara na ozi ahụ abụghị eziokwu, ma sịkwa na uche óbì ndị bipụtara ya bụ iji “bute nsogbu na ọgbaghara na steeti ahụ”.
Na ozi nke Nelson Chukwudi, onye nkwuchita ọnụ Fubara, bipụtara n’ụbọchị Tuesday, kwuru na Obasanjo maọbụ onye ọzọ abịaghị ịhụ Fubara gbasara okwu ndọrọndọrọ ọchịchị nke steeti ahụ.
Chukwudi gbakwunyere na gọvanọ steeti ahụ ekwupụtala obi ya ime ihe ụlọ ikpe kachasị elu na Naijiria kpebiri.
“Ka onye ọbụla mara na òtù PANDEF maọbụ Chief Olusegun Obasanjo a abịaghị ịhụ gọvanọ Fubara gbasara nsogbu nke dị na Rivers, dịka ndị ọchọnganọkọ kwuru,” ozi ahụ kwuru.
ŃCHỊ́KỌ́TÁ
Okwu na Obasanjo gara ịhụ Fubara, ma gwa ya ka o mechie ụlọ omeiwu steeti ahụ, ma napụ ndị omeiwu Rivers ndị nche ha, bụ asị.
Obasanjo ekwughị ka e mechie NNPC maọbụ NDDC.
