Ótù onye na soshal midia ekwuola na a tụrụ ngwa agha US n’obodo Burkina Faso nke mere ka onye ndu ha bụ́ Ibrahim Traoré megwara.
Edwuadotv, otu asafe na Facebook, bipụtara nya bụ ozị na ụbọchị iri abụọ n’abụọ nke ọnwa August.
“Mgbe ngwa agha US tụrụ ụlọ nche na mpaghara ụ́gwụ́ Burkina Faso, ọtụtụ chere n’obodo ahụ ga agba nkịtị. Mana Ibrahim Traoré atụghị ụjọ ọbụla. Kama onye ndú ntorobịa ahụ gbanwere ọnọdụ ahụ ka ọ buru ákwá Afrịka ịjụ mmegide ọbụla,” ozi ahụ dere.
Ihe ngosi nkeji iri n’ise ahụ enwetala nkiri puku iri atọ n’abụọ (32k views), nkwenye otu puku n’ụma narị atọ (1.3k likes), na ntụnye ọnụ narị anọ n’itoolu ( 409 comments).
Dịka olu ahụ kwuru, US kwadoro ịtụ bọmbụ ahụ n’ọdụ ndị agha ha dị na Niger Republic dịka ụzọ “imegide atụmatụ ndị oji egbe egbu”.
“Ngwa agha abụọ a kpachara anya were lụọ tụrụ ọdụ mkpakọrịta ụka na Burkina Faso, mebie ụlọ ozi ahụ ma gbuo mmadụ atọ — ndị agha abụọ na otu onye ọzọ. Mmadụ asaa bụ ndị merụrụ ahụ,” olu ahụ kwuru n’ihe ngosị ahụ.
“Olu ahụ kwuru na ozi ahụ kpalitere ọtụtụ ntụnye ọnụ si akụkụ mba Afrịka.”
A hụtara ozi ahụ na YouTube na asafe a kpọrọ Bright Africa nke nwere ndị na-eso ya rụrụ pụkụ atọ n’uma narị ise (3.5k subscribers), nke nwetara nkiri puku iri n’asatọ na narị atọ n’iri ise n’itoolu (18,359 views).
Ị nwere ike ịgụta ozi gbasara okwu ahụ ebe a, ebe a, na ebe a.
Mana ozi ndị a ọ bụ eziokwu?
ŃNYÒCHÁ
CableCheck mere ọchịchọ miri-emi gbasara US ịtụ ngwa agha na Burkina Faso, mana anyị ahụghị ozi dị otu ahụ.
N’agbanyeghị na olu ahụ n’ihe ngosi ahụ ekwughị ụbọchị a tụrụ nya bụ ngwa agha, CableCheck mere ọchịchọ site n’ụbọchị mbụ nke ọnwa August ruo ụbọchị iri abụọ n’isii nke otu ọnwa ahụ, iji mata ma anyị ọ ga ahụta ozi dị otu ahụ ziri ezi.
Mana o nweghị ụlọ ozi ma nke ha riri bipụtara na US tụrụ bọmbụ na Burkina Faso.
Ozi dị otu a bụ nke ọtụtụ ụlọ mgbasa ozi ga-ebipụta n’ọba ozi ha, maka na ngwa agha nke a tụrụ na Iran bụ nke nwetara ọtụtụ ntụye ọnụ n’ụwa niile.
Na mgbakwunye, olu onye ahụ nke nà-ádà ka ihe ejiri AI nwogharịa ya kwuru na e sitere na ọdụ ndị agha US nọ na Niger tụọ nya bụ ngwa agha.
Mana k’odiri ugbu a, US enwezighị ọdụ ndị agha na Niger.
N’ọnwa Septemba nke afọ gara aga, US kpọlatara ndị agha ya nile nọ n’obodo ndị di na ọzara Sahel, nke kwụsịrị mmekọrịta US na ọchịchị ndị agha nke obodo Niger.
ŃCHỊ́KỌ́TÁ
Onweghị ihe aka ebe na-egosị na US tụrụ ngwa aha na obodo Burkina Faso.
