N’ụbọchị Monday, Abdullahi Sule, gọvanọ Nasarawa, kwuru na steeti ya ebiribeghị̀ ego ọbụla kamgbe onye isiala Bola Tinubu batara ọchịchị.
Sule kwuru nke na nzukọ ịkọwa atụmatụ iwu inwogharị usoro ịna ụtụ na Naijiria, nke bekee kpọrọ “Tax reform bill townhall meeting”, nke Channels Television hibere.
“A nụrụ m ka mmadụ na-ekwu na kamgbe Tinubu batara n’ọchịchị na ndị gọvanọ enweela mgbanwe pụrụ iche na ego na-abata na steeti ha,. Onye a gara n’ihu kwuo na ha chọrọ ịma ihe ndị gọvanọ ji nya bụ ego eme,” Sule kwuru.
“Gaa na steeti ndị ọzọ, ị ga-ahụ ihe ndị gọvanọ a ji nya bụ ego eme.
“Na steeti Nasarawa, ebiribeghị m ego ọbụla kamgbe Tinubu batara n’ọchịchị. Mana n’agbanyeghị nkea, anyị nwere obosara àlà ruru puku iri (10,000 hectares) nke anyị ji ákọ̀ ụ́gbo, ngwọ ọrụ niile anyị zụrụ maka ọrụ ụ́gbo, ụgwọ anyị kwụrụ ndị ọrụ… E nwere m ike ikwuru gawa.
ŃNYÒCHÁ
Tinubu meriri ntuliaka n’ọnwa Febrụwarị. Mana ọ were oche dịka onyeisi ala n’ụbọchị ịrị abụọ n’isii nke ọnwa May nke afọ 2023 (May 29, 2023).
Inyọcha okwu Sule, TheCable lebara anya na ndekọ ụgwọ steeti ji site n’ụlọ ọrụ na-ahụ maka ụgwọ Naijiria bụ Debt Management Office (DMO) site na mbido ọchịchị Tinubu ruo ugbua.
Ụ́GWỌ́ NASARAWA JỊ̀ NAIJIRIA
N’ọnwa June nke afọ 2023, ka otu ọnwa gachara site n’oge Tinubu were oche dịka onye isi ala, DMO kwuru na ụgwọ steeti Nasarawa ji bụ ijeri Naira iri asaa n’otu na ụma nde iri n’otu (N71.11 billion).
N’ọnwa June, nya bụ ọnụ ọgụgụ agbatuola ruo ijeri Naira iri abụọ n’atọ na ụma nde iri itoolu n’anọ (N23.94 billion).
Nke a pụtara ngbatu pasentị iri isii n’isii (66%) na ụgwọ steeti ahụ jì Naijiria.
Ụ́GWỌ́ NASARAWA JÌ ḾBÀ ÒFÈSÍ
Nnyocha ụgwọ Nasarawa ji mba ndị ọzọ na weebụsaịtị ụlọrụ DMO gosịrị na steeti ahụ ji ụgwọ ọnụ ego dị nde Naira iri ise n’abuo na ụma puku iri atọ n’atọ (N52.33 million).
N’ọnwa June, nya bụ ọnụ ego agbagọla ruo nde Naira iri ise n’abụọ na ụma puku iri atọ n’isii (N52.36 million).
Nke a pụtara mmụba n’erughị otu pasentị (1%) kámgbè Tinubu batara n’ọchịchị.
ḾKPÉBÌ
Okwu Sule na ọchịchị ya ebiribeghị ego ọbụla kamgbe Tinubu batara dịka onyeisi ala abụchaghị eziokwu. Mana o ziri ezi nke ukwuu, dịka ozi anyi hụrụ na DMO gosịrị.
