Ótù ozi na soshal midia ekwuola na ụfọdụ ndị uwe ojii inspektọ na-eme ngagharị iwe na Akwa Ibom steeti gbasara ụgwọ ọnwa afọ iri na otu e ji ha.
Ozi a, nke e biputara na X, bụ nke e jiri ihe ngosị ebe ndị uwe ojii jì akwụkwọ edere “ụfọdụ anwụọla” na ya.
Ekesaala nya bụ ozi na ụfọdụ ọba ozi soshal mịdia dị ka Facebook nke nwetaragoro nkwenye karịrị otu puku na otu narị (1.1k likes), nkesa iri isii na isii (662 reposts), na ntụnye ọnụ narị abụọ na iri atọ na asatọ (238 comments).
Nke a na-abịa ụfọdụ ụbọchị ka a kwụsịrị ngagharị iwe “EndBadGorvernance” na Naijiria, dịka e nwere ọtụtụ ozi gbasara iji aka ike megide ndị na-eme nya bụ ngagharị iwe.
“A kpọrọ ya oge kwa oge! Ihe isi ike — ndị uwe oji emee ngagharị iwe gbasara akwụghi ụgwọ ọnwa iri n’otu,” ozi a kwuru.
“Ụfọdụ ndị uwe ọjị inspektọ mere ngagharị iwe na Uyo, isi obodo Akwa Ibom, gbasara akwụghi ụgwọ ọnwa iri na otu.
“Ndị uwe ọjị ndị a ewegolitere site n’ógó inspektọ nke abụọ ruo ógó nke mbụ ndị ruru otu puku na narị ise (1,500) ndị nke si ụfọdụ akụkụ obodo na steeti nọ na Naijiria.
“Ha kpọkuru onye ịsị ndị uwe ọjị bụ inspector-general of police ka ọ gba mbọ hụ na akwụrụ ha ụgwọ ọnwa ha nke ha siri n’odị oké mkpa maka ọdịmma ha ọkachasị n’ihu ihe isi ike a.
ÍNYÒCHÀ ÓKWÚ À
TheCable nyochara ihe ngosị nke sochịrị okwu ahụ, ma chọpụta na e biputara ya n’ụbọchị asaa nke nke ọnwa Septemba nke afọ 2022, mgbe ndị uwe ojii ógó nta akpọrọ constabulary mere ngagharị iwe na Oshogbo nke dị na Osun steeti, maka ụgwọ ọnwa iri na asaato eji ha.
Ịgbakwunye, onwebeghị ụlọ ozi ama-ama bipụtara nya bụ ozi.
TheCable gakwara n’ihu inyocha asafe bipụtara nya bụ ozi, ma hụ na ọ bụ nke ótù n’ime ndị nkwado òtù Indigenous People of Biafra (IPOB).
N’ihe mbiputa nke onye isi ndị uwe ojii bipụtara, site n’ọnụ Olumuyiwa Adejobi, onye nkwuchite ọnụ ndị uwe ojii na Naijiria, ọ sịrị na nya bụ ozi abụghị eziokwu, kama ọ bụ ụzọ e sị chọọ imegide ndị uwe ojii.
Adejobi kwuru na ndị ńdú ngalaba ndị uwe ojii na-agba mbọ ịhụ na ha lebara anya na nsogbu maọbụ mkpa ndị otu ha niile.
Ọ kọwara na ọ bụ ngala ministry na-ahụ maka akụ na ụba bụ ministry of finance na-ahụ ma ịkwụ ụgwọ ndị uwe ojii site na atụmatụ Integrated Personnel Payroll System (IPPIS).
“Ndị uwe ojii Niajiria akọwala ozi a dịka nke n’ezighi ezi, nke ụfọdụ ndị nta akụkọ na-ekesa na-ekwu na ụfọdụ ndị inspektọ zutere ha na ụlọ nzukọ ndị nta akụkọ di na Uyo, ebe ha kwuputara iwe ha gbasara akwụghị ugwo ọnwa kámgbè ewegoro ha n’ọkwá ọzọ dị elụ dịka ụzọ itetọ ngalaba ndị uwe ojii.
“K’osiladi, ọ pụtara ihe na ọ bụghị onye isi ndị uwe ojii maọbụ ngalaba ndị uwe ojii n’akwụ ndi uwe ojii ụgwọ ọnwa ha. Kama, ọ bụ ọrụ ministri na-ahụ maka akụ n’ụba, site n’atụmatụ Integrated Personnel and Payroll Information System (IPPIS).
“Onye isi ndị uwe ojii na-akwado onye ọbụla nwere nsogbu ọbụla gbasara nlekwa ha, ka ọ ga kpesa na ngalaba ha dị iche-iche, iji belata nsogbu ọbụla ga-ebute ihe ihere nye ngalaba ndị uwe ojii.
ŃCHỊ́KỌ́TÁ
Okwu na ndị uwe ojii na Akwa Ibom mere ngagharị iwe gbasara akwughị ụgwọ ọnwa nke ọnwa iri n’otu bụ asị.
Ihe ngosị nke na-esote nya bụ ozi bụ ihe ngosị ochie mgbe ndị uwe ojii ogo nta a kpọrọ constabulary mere ngagharị iwe akwụghị ụgwọ ọnwa afọ iri na asatọ na Osun steeti n’afọ 2022.
