Ótù ihe ngosị e kesara na soshal mịdia ekwuola na ndị na-eme ngagharị iwe gbara ụlọ ndị uwe ojii dị na Nyanya ọkụ.
Ihe ngosị nkeji iri anọ n’atọ a nke ahụtara ebe niile gosịrị ótù onye ntorobịa ka ọ na-emebisi ihe n’ụlọ ndo ebe ndị uwe ojii na-enyocha ụgbọala n’okporo ụzọ Abuja gawara Keffi.
Ótù olu n’ihe ngosị ahụ kwuru na ndị na-eme ngagharị iwe maka ihe isike na Naijiria agbaala ụlọ uwe ojii nke dị na Nyanya ọkụ.
Ihe ngosị a nke otu Okezie Atani bipụtara na X enwetala nkiri karịrị puku iri n’asatọ (18,000 views), nkwenye otu narị na iri ise n’otu (151 likes), na nkesa otu narị na iri n’ise (115 reposts).
E kesakwara nya bụ ozi na Facebook nakwa WhatsApp.
ŃGÁGHÁRỊ́ IWE “End Bad Governance”
N’ụbọchị Thursday, ndị ntorobịa Naijiria bidoro ngagharị iwe ikwuputa obi ha maka oke ọnụ ihe na-ada, ọrịrị ọnụ ego a na-ere petrol, enweghị ezi nchekwa, ya na oke ego ndị na-achị obodo na-emefu.
Gọọmentị etiti yọrọ ndị ntorobịa a ka ha ghara ime ngagharị iwe ọbụla, ma yọ ha ka ha nwere ha ndidi.
Ndị uwe ojii yọkwara ka ha bịa denye aha ndị nkwado ha, iji hụ na ha nwere ezi nchekwa oge ha na-eme nya bụ ngagharị iwe.
Na Abuja, a gwara ndị na-eme ngagharị iwe ka ha nọrọ na ụlọ egwuregwu MKO Abiola Stadium, mana ndị ntorobịa a jụrụ ịnabata nya bụ arịrịọ. Ha gara n’ihu nọdụ n’ogige Eagle Square, Unity Fountain n’ụfọdụ ebe ndị ọzọ.
ÍNYÒCHÁ ÓKWÚ À
Ịmata ma ndị na-eme ngagharị iwe ọ gbara ụlọ uwe ojii a ọkụ, TheCable jiri ngwa ọrụ Google Map na Google Earth mee nnyocha.
Google Map gosịrị na ụlọ uwe ojii Nyanya dị kilomita abụọ na ụma otu (2.1km), nke ruru nkeji asaa ma ọ bụrụ na i si n’ebe ndị uwe ojii na-enyo ụgbọala gawa ụlọ uwe ojii a.
—Google Map photo showing the distance between Nyanya police station and the checkpoint
— Google Earth image: There’s no police station in the vicinity
TheCable gakwara n’ihu kpọtụrụ Josephine Adeh, onye nkwuchita ọnụ ndị uwe ojii na Abuja. Adeh kwuru na agbaghị ụlọ uwe ojii ahụ ọkụ.
Ndị uwe ojii nọ na Abuja gara n’ihu kọwaa na ọ bụ obere ụlọ ndị uwe ojii na-ano n’ime ya mgbe ha na-enyocha ụgbọala ka a gbara ọkụ.
“Megide ozi a hụrụ na soshal mịdia na a gbara ụlọ uwe ojii Nyanya oku, anyị chọrọ ime ka onye ọbụla mata n’ọbụghị ụlọ uwe ojii Nyanya ka agbara ọkụ. Kama, ọ bụ obere nchedo ndo ebe ndị uwe ojii na-enyocha ụgbọala ka agbara ọkụ,” ozi a kwụrụ.
“Mmadụ anọ ndị bụ Mathias Jude (29) nke Nyanya Area D, Mohammad Ahmed (23), Abba Jibril (18), na Mohammad Haruna (18) nwara imebi ebe a na-edebe ụgbọala ndị uwe ojii, mana anwụchiri ha.”
ŃCHỊ́KỌ́TÁ
Okwu na a gbara ụlọ uwe ojii Nyanya ọkụ bụ asị. Ndị omekome ahụ bụ ụlọ ndo ebe ndị uwe ojii na-anọ enyocha ụgbọala ka ha gbara ọkụ.
