TheCable Fact Check
  • Home
  • Fact Check
  • Fake News
  • Check Am For Wazobia
Reading: Na true sey police arrest Naira Marley and Sam Larry sake of Mohbad?
Share
Latest News
FACT CHECK: Did lawmakers skip the national anthem during Tinubu’s Democracy Day speech?
FACT CHECK: Did a military coup oust Paul Biya as Cameroon’s president?
FACT CHECK: Ndume erred. 22 governors didn’t endorse Jonathan in 2015
Rárá, Pope Leo kò bẹ Tinubu kó tú Nnamdi Kanu sílẹ̀ ní àtìmọ́lé
Ḿbà, Pope Leo áyọghị Tinubu kà ọ́ tọ́pụ̀ Nnamdi Kanu nà ǹgá
No, Pope Leo no beg Tinubu to release Nnamdi Kanu
A’a, Paparoma Leo bai nemi Tinubu ya saki Nnamdi Kanu ba
FACT CHECK: No, Pope Leo didn’t ask Tinubu to release Nnamdi Kanu
Advertisement
Aa
TheCable Fact CheckTheCable Fact Check
Search
  • Home
  • Fact Check
  • Fake News
  • Check Am For Wazobia
Follow US

Na true sey police arrest Naira Marley and Sam Larry sake of Mohbad?

Claire Mom
By Claire Mom Published September 20, 2023 4 Min Read
Share

E neva tey wey one post for social media claim sey police arrest Naira Marley, di popular musician, and Samson Balogun aka Sam Larry, music promoter, sake of Mohbad as im kpai.

“Dem don arrest Naira Marley and Sam Larry!! Dem go question dem ontop di viral videos wey sey dem abuse Mohbad, di musician wey don die,” na so di post wey @Mrklassiq_ make tok.

As e be so, di post don gada 3.3M views, 30.4K likes and 2,622 reposts ontop X – former Twitter.

Apart from X, di same type of claim comot for Facebook, where dem tok sey police arrest Naira Marley and Sam Larry.

MOHBAD

Mohbad na former musician under Marlian Records, wey Naira Marley get. Mohbad bin kpai on September 12 at di age of 27 and dem bury am di next day. 

Di tins wey make di musician die don dey cause kasala for social media and even among Nigerians wey di tin consign togeda wit music fans.

On October 5 2022, di late singer bin cari mata come X sey Marlian Records “beat” am.

“Just because I wan change my manager wey be dia broda, see wetin dem do me for Marlian House,” na so im bin tweet wit one video  wey show as different marks wit blood dey im bodi.

Im still come ask for help inside di tweet, sey “I dey die inside”.

Some pipu bin tok sey Marlian Records bin make sure sey di singer see pepper  togeda with beating for different times till im die.

Meanwhile, one petition wey Mohbad bin submit to di Force Criminal Investigation Department (FCID) Annex, Alagbon for Lagos on June 27 2023 don comot for internet. Mohbad bin report sey dem bin dey allegedly threaten im life, malicious damage, assault, togeda with oppression from Sam Larry. 

As Sam Larry don deactivate im Instagram account tey tey as plenty pipu attack am afta Mohbad kpai, Naira Marley still dey lose followers for social media as im fans no too dey happy wit am again.

DEM NEVA ARREST NAIRA MARLEY AND SAM LARRY 

TheCable check see sey di police neva arrest either Naira Marley or Sam Larry for questioning sake of Mohbad death.

“Di report no correct; na lie; we neva arrest anybody,” na so Oluniyi Ogundeyi, spokesperson for di Lagos annex of di FCID, tok.

Meanwhile, TheCable bin report sey di Nigerian police don begin investigations into di singer death wey e still neva sure wetin kill am.

On Monday, September 18, 2023, di Lagos state govment set up one 13-man panel to look into di mata and dem conclude sey dem go dig im dead body comot go check for hospital if e dey necessary.

FINAL TOK

Di claim wey sey Naija police don arrest Naira Marley and Sam Larry no correct. Dem still dey investigate di mata and dem neva arrest anybody so far.

TAGGED: Marlian Records, Mohbad, Naira Marley, Pidgin factcheck, Pidgin news, Sam Larry, TheCable pidgin

Please send your feedback, claims to fact check and corrections requests to [email protected]

Claire Mom September 20, 2023 September 20, 2023
Share this Article
Facebook Twitter Email Copy Link Print
Leave a comment Leave a comment

Leave a Reply Cancel reply

Your email address will not be published. Required fields are marked *

POPULAR POSTS

Advertisement

FACT CHECK: Did lawmakers skip the national anthem during Tinubu’s Democracy Day speech?

A viral X post claims that Nigeria’s new national anthem was not recited during the…

June 13, 2025

FACT CHECK: Did a military coup oust Paul Biya as Cameroon’s president?

Reports of a military coup in Cameroon ousting President Paul Biya have gone viral on…

June 13, 2025

FACT CHECK: Ndume erred. 22 governors didn’t endorse Jonathan in 2015

On June 8, Ali Ndume, senator representing Borno south, claimed that 22 governors elected on…

June 10, 2025

Rárá, Pope Leo kò bẹ Tinubu kó tú Nnamdi Kanu sílẹ̀ ní àtìmọ́lé

Ẹni kan tí ó ń lo Facebook, ohun ìgbàlódé ibaraẹnisọrẹ orí ayélujára sọ pé Robert…

June 10, 2025
Advertisement
Advertisement

YOU MAY ALSO LIKE

Rárá, Pope Leo kò bẹ Tinubu kó tú Nnamdi Kanu sílẹ̀ ní àtìmọ́lé

Ẹni kan tí ó ń lo Facebook, ohun ìgbàlódé ibaraẹnisọrẹ orí ayélujára sọ pé Robert Francis Prevost, Pope Leo XIV…

CHECK AM FOR WAZOBIA
June 10, 2025

Ḿbà, Pope Leo áyọghị Tinubu kà ọ́ tọ́pụ̀ Nnamdi Kanu nà ǹgá

Ótù onye na Facebook ekwuola na Pope Leo na ụfọdụ ndị Bishop yọrọ onye isiala Bola Tinubu ka ọ tọpụ…

CHECK AM FOR WAZOBIA
June 10, 2025

No, Pope Leo no beg Tinubu to release Nnamdi Kanu

One Facebook user claim sey Pope Leo XVI and oda bishops join mouth beg President Bola Tinubu to release Nnamdi…

CHECK AM FOR WAZOBIA
June 10, 2025

A’a, Paparoma Leo bai nemi Tinubu ya saki Nnamdi Kanu ba

Wani mai amfani da Facebook ya yi ikirarin cewa Paparoma Leo na 16 da wasu limaman coci sun roki shugaban…

CHECK AM FOR WAZOBIA
June 10, 2025

CableCheck seeks to provide reliable tools and resources for readers to tackle the menace of fake and misleading materials constantly pushed into the public space from various sources. We monitor the accuracy of claims made in traditional and social media. We also provide a tracker to hold politicians and policymakers accountable for the plans and promises they make to the public. CableCheck is a project of the Cable Newspaper Journalism Foundation (CNJF), supported by the MacArthur Foundation and implemented by TheCable newspaper.

Follow US: 

LINKS

  • Contact
  • About Us
  • Non-Partisanship Policy
  • Funding
  • Correction Policy
© Copyright TheCable. All Rights reserved.
Welcome Back!

Sign in to your account

Lost your password?