Ị́hé ngosi ebe Peter Obi, onye jiri Labour Party zọ ọkwa onye ịsị ala na 2023, na-ágwá ndị mmadụ ka ha tinye ego ha na ụlọrụ mmụba akụ akpọrọ AfriQuantumX, aputala ihe na soshal midia.
N’ihe ngosi ahụ, Obi na-agwa ndị mmadụ n’ọburu na ha tinye ego ha na AfriQuantumX na ha ga-enweta mmụba nde Naira asaa(N7 million) kwa ọnwa.
Obi, onye bụ bụrụ onye gọvanọ Anambra steetị, kwụrụ n’ihe ngosi ahụ na-emepụtara ọ́bá mmụba ego ahụ na ntụziaka ya ma bụrụkwa nke nwere nkwado gọọmenti etiti.
“Ọ dila k’oga adị, ndị Naijiria kwesịrị ka ha nwe nwere onwe nke akụ n’ụba ha. Onye Naijiria ọbụla, kwesịrị ka ọ mata eziokwu taa. Ị nwere ike ịnweta ihe rụrụ nde Naira asaa (N7 million) kwa ọnwa,” olu ahụ kwụrụ.
“Ịhe karịrị iri puku (10,000) mmadụ akwụsịla ọrụ ha n’ihi na ha achọtala ebe mmụba ego ha.
“Ha lara ezumike ńká n’oge, ugbu a ha na-ebi ofuma. Nke a bu nke pụtara ìhè n’ihi ọ́bá mmụba aku bụ AfriQuantumX, nke nwere nkwado m na nke ọchịchị etiti.”
Ótú asafe a kpọrọ News24 bipụtara ihe ngosi ahụ.
Ozi ahụ dere: “AfriQuantumX— ohere ịkwesghị ịkwe ka ọgbanaghị gị! Jiri puku narị Naira anọ (N400,000) were bido ya, n’ụbọchị asaa ịnweta nde Naira abụọ(2,000,000) n’oba ego gị. Nke a abughi nkwa, ọ bụ ịhe pụtara ìhè nke ndị Naịjirịa rụrụ puku na-enweta. Ohere ebughi ịbụ, ndenye aha ga-emechị na nso-nso a. — mee ngwa ngwa.”
ŃNYÓCHÁ
É tinyere linkị n’ozi ahụ. Ị pịa aka n’ozi ahụ webusitị yiri nke Channels Television, oba nzisa izi ihe onyonyo na Naijiria, ga-emepe mana njiri mara dị na webusitị agaghị ebuga onye ahụ n’asafe nke ezigbo ya.
Webusitị ahụ nwere ihe ngosi Seun Okinbaloye, onye nta akụkọ nke ihe omume Politics Today na Channel Television, ebe ọ na ajụ Peter Obi ajụjụ ọnụ.
E nwòghàrị̀rị̀ ihe ngosi ahụ k’odi ka Okinbaloye na Obi ana-ekwu maka oba mmụba aku ahu.
Ihe ọzọ mere anyị jiri mara na ihe ngosi bụ adigboroja bụ n’ọnụ Obi anaghị emegharị — njiri mara ihe ngosi e jiri AI nwogharia.
Anya anyị nyomiri n’ihu Obi gosịrị na-enwere ihe a tụkwasịrị n’ọnụ ya.
Mgbe CableCheck jiri ígwè nyocha Google Lens were nyochara akụkụ ihe ngosi ahụ anyị chọpụtara na ihe ngosi anyị si na okwu Obi nyere n’ọnwa May nke afọ 2017 na ihe mmeme a kpọrọ ‘The Platform Nigeria’.
Ụlọ ụka Covenant Nation hibere ihe mmeme ahụ iji nwe mkpakorita ụka gbasara ndị ndọrọndọrọ ọchịchị na ihe ndị ọzọ n’emetuta mmadụ.
Ị nwere ịke ịhuta ihe ngosi nke ezigbo ya ebe a.
Ihe ngosi akaebe dị na webusitị ahụ bụ nke ejiri AI mepụta.
Ọchịchọ anyị jiri aha AfriQuantumX mee gosiri n’otu ọ́bá akụ Ghana akpọrọ GCB agọnaghịla ọ́bá mmụba aku ahụ.
Ụlọ akụ ahụ kwụrụ na AfriQuantumX jiri njiri mara ha were na-arata ndị mmadụ.
“GCB Bank PLC chọrọ ịji ohere a ágwá ndị mmadụ na ozị nke na-efegharị na soshal midia nke ji GCB ere ọ́bá mmụba aku a kpọrọ AfriQuantumX bụ adigboraja,” Ozi ahụ kwụrụ.
“Ozi ahụ ji njiri mara ụlọ akụ GCB n’ụzọ n’ezighi ezi, ma na àgwà ndị mmadụ ka ha banye na webusitị na abụghị nke anyị.
“GCB enweghi mmụba aku dị otú ahụ, anyị na-agwa ndị mmadụ ka ha ghara itinye ozi gbasara ha na webusitị ahụ maọbụ ti ye ego ha na oba nchekwa aku ahụ.”
Ihe AfriQuantumX mere site n’iji ihu Obi na njiri mara ụlọ akụ Ghana na egosi na ha bụ ndị wayo.
NCHỊ́KỌ́TÁ
Ị́hé ngósị́ ébé Obi na-ayo ndị mmadụ ka ha tinye ego ha na AfriQuantumX bu asiị E mepụtara ihe ngosi ahụ k’odughe ndị mmadụ.
