Ótù asafe na Facebook, nke a kpọrọ Republicans for United States of Biafra, bipụtara ihe ngosị e meputara site na enyemaka ígwè nka n’ụzụ AI, ebe onye isi ala mba US na-akpọ maka ntọhapụ Nnamdi Kalu.
Asafe a, nke nwere ndị na-eso ya ruru puku iri abụọ na iri asaa (2,700 followers), biputara ihe ngosị ahụ n’ụbọchị iri n’itoolu nke ọnwa Febụwarị.
Ihe ngosị ahụ enwetala ihe karịrị nkiri puku iri abụọ (20,000 views), nkesa narị abụọ (200 shares), na ntụnye ọnụ iri anọ (40 comments), kámgbè e bipụtara ya.
N’ihe ngosị ahụ nke n’erughị otu nkeji, otu onye yiri Trump ka a nụrụ ebe ọ na-ekwu na ọ ga-atọpu Kanu, onye ǹdú otu na-chọ nnwere onwe ha bụ Indigenous Peoples of Biafra (IPOB), na nga.
A nụkwara ka Trump na-ekwu na ọchịchị ya ga-ahụ na “ndị Biafra” nwere onwe ha.
E mepere nya bụ asafe ebe ebiputara ihe ngosị a iji kwalịte ihe gbasara nkewa ndị na-azọ maka nnwere onwe ha.
N’ụbọchị iri n’asatọ nke ọnwa Febrụwarị, asafe a biputara ihe ngosị ejiri AI nwogharịa ebe Trump na-akwado ihe gbasara nkewa ndị n’azọ nnwere ọnwe ha na Naijiria.
ŃNYÒCHÁ
Nnyocha anyị mere gosịrị na nya bụ ihe ngosị ka e mere ka ọ dị ka onye isi ala mba US ọ na-ekwu ozi dị mkpa.
Ọnụ ya apụtachaghị ihe ofuma na nya bụ ihe ngosi, ebe ọ bịara dịka atukwasara ihe ngosị ọzọ n’elu nya bụ ihe ngosị, iji gosi Trump dika ọ na ekwu-okwu dị mkpa.
CableCheck chọpụtara na ejiri webusite ebe a na eji ìgwè AI emepụta ihe ngosị, site iji ihu ndị amara-amara, were mepụta ihe ngosị.
Webusite a, n’ekwe ka ndị mmadụ mepụta ihe ngosị site n’iji ịhụ ndị amara ọfuma dịka Trump, Elon Musk, ónyé ọgaranya na emepụta ìgwè nkà n’uzu, onye bụ bụrụ onye isiala mba US bu Barack Obama, Kanye West, onye ọgụ abụ nke mba US, na ndị ọzọ.
Webusite a na ekwekwa ka ndị mmadụ tinye okwu ndị ha chọrọ ka ihe ngosị ha kwuo.
MKPÉBỊ́
Ihe ngosị ebe Trump na-akpọ maka nwere onwe Nnamdi Kanu bụ adigboroja.
