Íhé ngosị ebe onyeisiala Bola Tinubu na
-àbárá ndị na-akpọ okwu ya AI apụtala ihe na soshal midia.
N’ihe ngosị otu nkeji ahụ, Tinubu kwuru na ndị niile na-akparị ya ga-enweta ntaramahụhụ ruru ha.
“Mara na bido taa gawa, mgbe ọbụla muonwe m bụ Bola Ahmed Tinubu bipụtara ozi, achọghị m ka ụnu maa mụ njakịrị maọbụ sị na ozi m bụ AI,” ozi ahụ kwuru.
“A bụ m nwoke dị ndụ na-eku ume, onye nke lụrụ ọgụ, gba odibo, ma tụọ àjà nye ala Naijiria. Onye ọbụla nwara-anwa de na ozi m bụ aka ọrụ AI ga-anata ntaramahụhụ maka mkparị ahụ. Anyị agaghị anabata agwa na ezighi-ezi nke yiri ihe ụkọchị.
“Na mgbakwunye ndị niile dị afọ iri atọ gbadawa, ghọta nụ nke a ọfụma na ụnụ agaghị akpọ m Tinubu, ụnụ ga-akpọ m onye isiala Bola Tinubu maọbụ mazi onyeisiala .
“Ọ bụghị mpako, ọ bụ iwu. Naijiria ga-alọghachita n’omenaala ikwanyere ndị okenye ugwu na nsọpụrụ. Ọ dila ka ọ ga-adị.”
WhatsApp gosịrị na e kesala nya bụ ozị ọtụtụ mgbe.
Ozi ahụ gosịrị na o sitere na asafe TikTok a kpọrọ @uncle_tarmie nke nwere ndị na-eso ya dị puku iri n’ise n’ụma narị ise (15.5k followers).
Ọchịchọ anyị mere n’asafe ahụ gosịrị n’ihe ngosị ahụ adịghịzi ebe ahụ.
Mana anyị hụrụ ọtụtụ ihe ngosị ebe Tinubu na-ekwu ihe ndị n’adịghị n’akwụkwọ n’asafe TikTok ahụ.
Ụfọdụ n’ime ha gụnyere “ụgwọ maka igbawa mmadụ obi nke gọọmenti ga-akwụ”, “onyeisi ala ekele David na Chioma”, “onyeisi ala abanye òtù Wizkid FC”.
N’agbanyeghị na onye ahụ kwuru na e jiri AI nwogharia ihe ngosị ndị ahụ, e kesala ya na soshal midia iji dughe ọtụtụ ndị.
E nwekwara ọtụtụ akụkọ ihe ngosị e jiri AI mepụta a kpọrọ “onye ụkọchukwu àgwà ọjọọ” dị na asafe ahụ.
“Ihe ngosị m bụ nke m jiri AI mepụta. E bụghị m n’uche iji ya dughe onye ọbụla,” nkọwa onye a ji TikTok ebipụta ozi dere.
