Ótù ihe ngosị ebe Thomas Partey, onye midfielder na onye na-akụrụ Arsnal bọọlụ, nà-àtá ị́kpa óké àgbụ̀rụ̀ ụ́tá maka íkpé ịkwaso nwanyị iko n’ike apụtala ihe na soshal midia.
N’ihe ngosị ahụ, ólú nke atụkwasara n’elu ihe ngosị Partey ebe o na-ekwu na ebubo akwamiko n’ike e bòrò ya bụ maka na ọ jụrụ ka nya na Arsenal banye na nkwekọrịta akum bọọlụ ọhụrụ.
“E meghị m ya, otela mgbe ha jiri chọọ ibo m na á kwasoro m nwanyị iko n’ike, mana ihe a bụ ihe na-eme mgbe ị bụ onye agbụrụ ojii ma jụ ịbanye na nkwekọrịta ọhụrụ,” olu ahụ kwụrụ.
“Mana ọ ga akara m mma na a gara m nga kama m ga akụrụ Arsenal bọọlụ ọzọ.”
E bipụtara ịhe ngosị ahụ na X, Facebook na TikTok.
CableCheck chọpụtara na ọtụtụ ihe ngosị dị ka ya sì sitere n’asafe TikTok a kpọrọ @sserona12.
Asafe a, nke nwere ndị na-eso ya dị ótù pụku narị na iri ise (150,000 followers), bipụtara nya bụ ihe ngosị n’ụbọchị Saturday.
Isi okwu ya kwuru: “Thomas Partey bụ onye ana-ebo ebubo na ọ kwasoro nwanyị ịko n’ike”.
Ihe ngosị ahụ enwetala nkiri karịrị nde ise (50 million views).
E bipụtakwara ihe ngosị ahụ ebe a, n’ebe a.
Ihe ngosị a pụtara ìhè dịka a kpọpụrụ Partey ụlọ ikpe n’ebubo ise na ọ kwasoro nwanyị iko n’ike nakwa na ọ kpasoro ụmụ nwanyị omume dịka ọ̀ chọ̀rọ̀ ịkwasoya ha iko n’ike.
Dịka ndị uwe ojii UK kwuru, o mere mpụ ndị a n’etiti afọ 2021 na 2022.
Ebubo a metụtara ụmụ nwanyị atọ ndị kwuru na nya bụ nwaamaadị kwasoro ha iko n’ike.
Partey ga-apụta n’ihu ụlọ ikpe Westminster Magistrates Court n’ụbọchị ise nke ọnwa August.
Nkwekọrịta nke Partey na Arsenal nwere bịara na njedebe n’ụbọchị iri atọ nke ọnwa June nke afọ 2025.
Akụkọ àsị̀rị̀ kọ̀rọ̀ nà nkwekọrịta nke Partey na nya bụ òtù akum bọọlụ nọ́ nà North London nwere ḿgbátị́. Nke a pụtara na Partey enweghị òtù ọbụla ọ na-akụrụ bọọlụ.
ŃNYÒCHÁ
CableCheck chọpụtara na ọnụ Partey n’ihe ngosị ahụ apụtachaghị ihe ọfụma. Nke pụtara na e jiri olu dịka nke ya were nwogharịa ihe ngosị ahụ.
Ịmata ebe e sere ihe ngosị nke ezigbo ya, CableCheck jiri Ngwa ọrụ Google Lens were nyochaa ya.
Anyị chọpụtara na e bipụtara ihe ngosị nke ezigbo ya Instagram n’ụbọchị asatọ nke ọnwa October nke afọ 2020, nwantiti oge ọ kwụsịrị nkwekọrịta ya na Atletico Madrid, ma kweta ịkụrụ Arsenal bọọlụ.
Na ihe ngosị nke ezigbo, Partey na-agwa ndị nsoye Arsenal na óbì dị ya ụtọ ịgbara òtù ahụ bọọlụ.
Ụfọdụ ọba nzisa ozi bipụtara nya bụ ihe ngosị.
Mfokasị anyị mere gosịrị na Partey atụnyebeghị ọnụ na ebubo akwamiko n’ike e boro ya.
ŃCHỊ́KỌ́TÁ
Ihe ngosị ebe Partey na-ebo okwu gbasara akwamiko asị n’omere n’elu ịkpa oke agbụrụ bụ
Ihe ngosị ebe Thomas Partey tàrà ị́kpa óké àgbụ̀rụ̀ ụ́tá maka ikpe akwamiko n’ike ya bụ̀ nke ejiri AI nwogharịa.
