Ihe ngosị ebe Peter Obi, onye zọrọ ọkwa onyeisi ala n’okpuru otu Labor Party n’afọ 2023, na-ekele Musiliu Akinsanya, onye a mara dịka MC Oluomo, apụtala ihe na social media.
Oluomo were oche dịka onye isi ụlọ ọrụ na-ahụ maka ụgbọala na Naijiria bụ National Union of Road Transport Workers (NURTW) n’ụbọchị iri na otu nke ọnwa Novemba.
Na ihe nkiri ahụ e kesara na WhatsApp, a hụrụ ka Obi kwụ n’akụkụ Oluomo, onye yi ákwà Agbada uwe ọcha.
picture 1
Ihe ngosị ahụ nke e kwuru na e biputara n’asafe Instagram a kpọrọ Goldmyne TV, bụ nke e jiri isi okwu na-ekwuputa ebumnobi inwe ezi mmekọ n’etiti nya na Oluomo.
Picture 2
“Peter Obi ekelela MC Oluomo, kwe nkwa na ya na onye isi ọhụrụ ụlọrụ NURTW ga arụkọ,” ozi ahụ kwuru.
ÍNYÒCHÀ ÓKWÚ À
TheCable jiri ngwa ọrụ teknuzu Reverse Image Search nyochaa nya bụ ihe ngosị, ma chọpụta na ákwà Oluomo yì bụ nke ó yì ụbọchị o bidoro ọrụ dịka onye ịsị ụlọ ọrụ NURTW.
TheCable chọpụtakwara na o nwebeghị ezigbo ụlọ mgbasa ozi bipụtara nya bụ ihe ngosị.
Nnyocha anyị mere n’asafe Instagram ahụ gosịrị na o nweghị ihe mbipụta dị otu ahụ n’asafe ha.
Nnyocha ọzọ anyị jiri ngwa ọrụ a kpọrọ Fotoforensic mee gosịrị na e nwere ihe dị iche n’akụkụ ákwà Oluomo na nke Obi.
Anyị chọpụtara na ihe niile nọ na ihe ngosị nke a nwere akụkụ ọcha.
Nke a putara na asafe Instagram ahụ bụ nke e ji ngwa ọrụ ńwògharị ihe nkiri a na-akpọ Photoshop wogharịa — n’ihi na ọ nwere àgwà dị iche iche.
Ị nwere ike ịhụta nsọnaazụ nnyocha ahụ ebe a.
ŃCHỊ́KỌ́TÁ
Ihe ngosị ebe Peter Obi na-ekele Oluomo bụ̀ nke e jiri ngwa ọrụ Photoshop rụ́.
