Ótù ihe ngosị nà soshal mịdia na-egosị ebe ndị omekome na-eke ngwugwu ego.
N’ihe ngosị chọrọ iru nkeji abụọ, a nụrụ ka olu nwaanyị na-akọtọ ndị ǹdú Naijiria maka ịnwe aka ná nya bụ ego a na-eke.
“Naijiria agwụla,” nwanyị ahụ kwuru.
“Kedụ ndị na-akwado ndi omekome a?”
Nwanyị ahụ ahụ gakwara n’ihu kwụọ na ndị ọjọọ a ka ndị Naijiria nwee ikike ime ihe ọbụla ha chọrọ ime n’enweghị ntaramahụhụ ọbụla.
Ọchịchị Naijiria gịnị na-eme, ọchịchị Tinubu kedu ihe na-eme?
E kesara nya bụ ihe ngosị nà WhatsApp.
CableCheck chọpụtara na e bipụtara nya bụ ihe ngosị nà YouTube n’ụbọchị abụọ nke ọnwa May.
Ebe ka ihe a mere, ótù onye jụrụ na soshal mịdia.
Ọtụtụ n’ime ntụnye ọnụ iri abụọ n’atọ kwuru na ọ bụ na Naijiria, ma jụọ ma ụlọrụ nchekwa Naịjiria bụ Department of State Services (DSS) ọ ma anya nya bụ ego a na-eke.
Kamgbe e bipụtara nya bụ ihe ngosị, o nwetala nkiri puku atọ na narị iri asaa n’iri asaa n’abụọ (3,772 views) na nkwenye iri ise n’ise (55 likes).
Na mbipụta ọzọ na ọba ozi Instagram, ótù onye ọnụ na-eru n’okwu á màrà dịka Olamisharp, bipụtara nya bụ ihe ngosị ma kọtọ ọchịchị Naijiria maka nkịtị ọ gbara nye nya bụ ozi.
“Ihe a bụ obodo ebe ndị na-emekpa ndị mmadụ ahụ na-egosi onwe ha…”Ọ dere dịka isiokwu nye ndị na-eso ya ruru puku iri abụọ n’abuo na ụma narị anọ (22.4k followers).
Ihe ngosị ahụ e nwetala nkiri karịrị narị isi.
Mana esere nya bụ ihe nkiri na Naịjiria?
ŃNYÒCHÁ
Cablecheck nyochara ụfọdụ akụkụ nya bụ ihe nkiri ma chọpụta na e buru ụzọ bipụta ya na ígwè ozi Facebook n’ụbọchị uri n’isii nke ọnwa December nke afọ 2024.
Na nya bụ ihe ngosị, a nụrụ ka olu nwoke na-ekwu na asụsụ Arabic. Anyị bịara jiri ìgwè ntụgharị asụsụ bụ Google Translate were tụgharịa nya bụ asụsụ.
“Lee ihe nkiri ebe ndị agha mịlịtrị a kpọrọ Al-Dagalo’s militia na ezu ego na ụlọ oba ego,” ịsiokwu sochịrị nya bụ ihe ngosị kwuru na asụsụ Arabic.
“Anyị n’eche na ndị agha Al-Dagalo’s militia bụ naanị izu ohi na imebisi ihe ka ha na-eme.”
Ihe ngosị ahụ nwetara nkiri puku ise n’uma narị isii (5.6k views).
Na ihe ngosị ahụ, ụmụ nwoke yi akwa ndi mịlịtrị na-egosi ngwugwu ego n’ime akpa, ugboala, tinyere ndị a wụsara n’ala.
CableCheck chọpụtara na ego ndị ahụ abụghị Naira.
Dịka olu ahụ kwuru, ozi ahụ na gosi ndị agha Sudan Rapid Support Forces (RSF), mgbe obodo ahụ gbanwere ego ha.
Òtù ahụ, nke onye ndú ha bụ Mohamed Dagalo, na-aluso òtù ndị agha obodo ahụ ághá ịji nara ha ọchịchị. Ọnọdụ a egbuọla ndị mmadụ ruru narị pụku ma chụpụ puku n’ebe obibi ha.
E nweela ọtụtụ izu ohi n’obodo ahụ n’ihi nya bụ agha nke a sịrị na ọbụ RSF na-ezu.
N’ọnwa Novemba gara-aga, ụlọ oba ego etiti obodo ahu bụ Sudan’s Central Bank, kwupụtara mbiputa ego ọhụrụ.
Ụlọ oba ego ahụ kwuru na nke a bu iji mee ka ndị obodo ha mepe akantu n’ụlọ oba ego iji beleta izu ohi ego n’obodo Sudan.
Otú RSF kọtọrọ mbiputa ego ọhụrụ, ma kwanye echiche n’ekwu na ndị nọ n’ọchịchị nwere uche óbì ọzọ ha ji ewebata ego ọhụrụ.
ŃCHỊ́KỌ́TÁ
Ihe ngosị ebe ụmụ nwoke na egosi ngwugwu ego esighi na Naijiria, ọ mere na obodo Sudan.
