Ótù onye na Facebook ekwuola na ihe ngosị ebe mmadụ na-agbaka ụlọ obibi mmadụ mere na south-east.
N’ụbọchị iri abụọ n’isii nke ọnwa Julaị, Uche Nworah, onye ji Facebook ebipụta ozị, jiri ihe ngosị were kwupụta ótú “àgwà tigbuo zogbuo” si arị elu na south-east n’aha na a “na-ememila enweghị nchekwa”.
“Anyị emeputala omenala tigbuo zọgbuo na oghere ime mpụ na mpaghara south-east n’aha n’anyị na-ememila enweghị nchekwa. Onye ọbụla nwere egbe nke kpuchiri ịsị ya nweziri ike ịwakpo mmadụ n’ụlọ ya, ma mee ihe n’adịghị mma dịka anyị hụrụ na ihe ngosị a,” isiokwu ihe ngosị ahụ dere.
“Enweghị ụzọ ziri ezi ejizi eme ihe, ùgwù ndị mmadụ bụzi nke anaghịzị asọpụrụ. Kedu mgbe ihe ndị a ga-akwụsị? Ọ bụrụkwanụ na ụmụaka nọ n’ụlọ ahụ.”
Ozi ahụ nwetara ntụnye ọnụ karịrị narị abụọ, nkwenye narị anọ na nkesa iri anọ n’asatọ.
Onye a, bipụtara ozi a n’ihu nnukwu enweghị nchekwa ana ahụta n’ufọdụ mpaghara south-east.
ŃNYÒCHÁ
CableCheck jiri ngwa ọrụ Google Lens were nyochaa akụkụ ihe ngosị ahụ nke Nworah bipụtara ma chọpụta na otu onye akpọrọ @MichealFrosh32 bụrụ ụzọ bipụta nya bụ ihe ngosị na X n’ụbọchị iri abụọ n’ise nke ọnwa Julaị.
Onye a ji X ebipụta ozi, kwụrụ na ndị uwe ojii n’aha “operation flush” na Adọ Ekiti, wakporo ụlọ mmadụ na okporo ụzọ Adebayo nke dị na isi obodo Ekiti steeti.
“Taa, ndị uweoji ‘operation flush’ nwara izu ohi n’ihu onye ọbụla n’okporo ụzọ Adebayo dị na Adọ Ekiti, site na-ịwakpo ụlọ ahụ n’ike.
Nke a abụghị mbụ ha na-eme ihe dị ótú a, mana taa, anyị nwere ihe akaebe iji kwuru ọnụ anyị,” onye a dere na X.
N’ihe ngosị ahụ, otu n’ime ndị uweoji ahụ yi ákwà oji e dere “special force”.
Ozi ahụ kpalitere ọtụtụ ntụnye ọnụ na X, ebe ndị uweoji tụnyere ọnụ na nya bụ ihe ngosị.
Ka ótù ụbọchị e jiri bipụta ihe ngosị ahụ gasịrị, ndị uweoji Ekiti steeti bipụtara ozi na onweghị ngalaba ọbụla a na-akpọ “operation flush” dịka ihe ngosi X ahụ kwụrụ.
Na mbiputa ahụ, Abutu Sunday, onye nkwuchịta ọnụ ndị uweoji na Ekiti, kwuru na Joseph Eribo, onye komịshọna uweoji na steeti ahụ, enyela iwu ka-enyocha ebe ihe ngosị ahụ si.
“Ndi uweoji enweghị ngalaba a kpọrọ operation flush,” Sunday dere oge ahụ.
ŃCHỊ́KỌ́TÁ
Nwakpo ahụ emeghị na south-east.
