Ótù ihe ngosị na-agbasa na sosha midia, ma na-egosị ebe àkwà mmịrị na-ada. A kọwara na ọ bụ na India maọbụ Naijiria ka o mere.
N’ihe ngosị nkeji ise ahụ, a hụrụ ka ụgbọala na-agafe n’okpuru àkwà mmịrị ahụ dịka ọ na-ada, ma hụkwa ka ndị mmadụ ji ụkwụ na-agba ọsọ ndụ.
Ụfọdụ ndị Naijiria bipụtara ozị ahụ na soshal midia dịka o mere n’obodo ahụ.
Otu onye ji Facebook ebiputa ozi a kpọrọ Goodluck Pyagbara, onye nwere ndị na-eso ya ruru puku asaa (7,000 followers), dere isi okwu na-ekwu: “Ótú àkwà mmiri APC jiri nde iri rụọ siri daa”.
Onye ọzọkwa a kpọrọ Eze Ferdinand, dere isi okwu kwuru: ” Lee ka àkwà mmiri a siri daa, gịnị kpatara o jiri da?”
N’ụbọchị Wednesday, onye ọzọ na Facebook a kpọrọ Abass Tom, biputara ihe ngosị, ma kwuo na ọ bụ na Lafia nke dị na steeti Nasarawa ka nya bụ ihe mere.
Onye ahụ kwuru na àkwà mmịrị ahụ dara ka izu ụka atọ gara site mgbe ehibere ya, nakwa na e jiri nde naira iri (N10 million) were rụọ ya.
“Ozi mberede: àkwà mmiri dara naanị ịzụ ụka atọ ka ehibechara ya, e jiri nde naira iri were ihebe ya,” onye ahụ biputara na Facebook.
Ka ụfọdụ oge gachara, onye ahụ degharịrị ozi ahụ, ma sị na o mere na India.
CableCheck chọpụtara ńwòghárị́ ahụ site na nnyocha ebe esi enwogharị ihe mbipụta anyị mere.
Ótù asafe na Facebook a kpọrọ Dee Elegantz nke nwere ndị na-eso ya ruru pụkụ iri n’otu (11,000 followers) kesakwara ihe ngosị ahụ ma sị na o mere na Lafia nke dị na Nasarawa.
Ótú onye India a kpọrọ @ManishCEO bipụtara ozị ahu ma kwuo na ihe ahụ mere na Bihar, steeti dị na obodo India.
Onye ọzọkwa ji X e bipụta ozi sịkwa na nya bụ mberede mere na Bihar.
ŃNYÒCHÁ
Na mbụ, CableCheck chọpụtara na ndị mmadụ nọ n’aka nri na-agba ọsọ na-agbaga ebe nya bụ àkwà mmiri na-ada. Nke abụghị ka mmadụ si eme mgbe ihe mberede dị ótú a na-eme.
Ọzọkwa, ụgbọala SUV n’ihe ngosị ahụ na-aga ebe nya bụ ihe mberede na-eme, tinyere na ụzọ ebe ụgbọala ahụ na-agba egosịghị mmebi ọbụla.
Osisi ndị dị n’aka nri na aka ekpe nke ihe ngosị ahụ ezighị ọfụma, tinyere nà mgbe àkwà mmiri ahụ dara n’aka nri, ọ bịara dịka onweghị osisi ọbụla dị ebe ahụ.
Mfokasị anyị mekwụrụ gosịrị ótù asafe na-ebipụtakarị ihe ngosị ejiri AI wogharia. Asafe ahụ bipụtara ihe ngosị ahụ nke zịpụtara ofuma n’ụbọchị ịrị n’anọ nke ọnwa Julaị (July 14).
Nya bụ ihe ngosị kwuru n’isi okwụ ya na ejiri AI mepụta ihe ngosị ahụ.
ŃCHỊ́KỌ́TÁ
Ihe ngosị ahụ bụ nke e jiri AI wogharịa.
