Some pesin for social media don dey put Naija name on top one video wey show some men wey mount with gun for one armoured vehicle.
Person dey use the video on top Facebook dey drive tori wey concern insecurity for Naija.
For August 11, one page wey carry “Urhobo One Love” name put the video for Facebook wey show gunmen tanda for armoured vehicles for one domot.
“They said they’re hunter’s and farmers,” na so dem caption the video.
Although the page no mention di location wey e be, but hin followers claim sey na for Nigeria.
“Even Nigerian military no get these kind artilleries,” one pesin for Facebook commented on the video.
CableCheck bin chuk eye see sey di video don dey multiple for social media.
One Facebook user wey be “Debra O Kalus” carry the video con put sey the communities dey Kwara wey “bookham terrorist” dey.
“BOOKHAM TERRORIST INVADING YORUBA COMMUNITIES MARKET IN KWARA STATE OF ONE NIGERIA,” the Facebook user captioned the video.
Another Facebook page, wey get name “NIGERIANS”, with over 400,0000 followers, post the video with the caption: “ #InsecurityInNigeria Terrorists display vehicles and ammunition used for their operations. Nigeria Police Force HQ Nigerian Army.”
The video bin show for here and here.
VERIFICATION
CableCheck con check di keyframes of the viral video ontop Google Lens; the findings show sey the incident happened in 2024 for Burkina Faso.
Images and cues from multiple tori show sey on August 8, 2024, some terrorists for Jama’at Nusrat ul-Islam wa al-Muslimin (JNIM) sect of al-Qaeda ambush and attack military people wey dey di southeastern part for Burkina Faso.
For di attack, tori claim sey the terrorist kpai over 100 soldiers; con carry many armoured vehicles run.
The report dey published here and here.
The featured image wey dey di reports dey correct with colours and tree wey surround di one for the viral video.
Another version of di video dey X.
VERDICT
Di video wey gunmen seize armoured vehicles no be from Nigeria but na for Burkina Faso e hapun.
