Ní ọjọ́ ajé, àwọn ènìyàn kan tí wọ́n ń lo ohun ìgbàlódé ibaraẹnise sọ pé àwọn afiẹhonu hàn kan ní Ìbàdàn, olú ìlú Ìpínlẹ̀ Ọ̀yọ́ sọ pé kí àwọn òṣìṣẹ́ ológun gba ìjọba lọ́wọ́ Ààrẹ Bọla Tinubu.
Nínú fídíò ìṣẹ́jú kan yìí, ọkọ̀ kan tí ó ní ẹ̀hìn tí ó lè fi gbé àwọn ènìyàn tí àwọn òṣìṣẹ́ ológun/sójà wà nínú rẹ̀ ni a rí tí ó ń rìn díẹ̀díẹ̀ lójú ọ̀nà tí àwọn ènìyàn kan sì ń fi ẹhonu hàn níwájú rẹ̀.
A gbọ ohun ọkùnrin kan tó ń pariwo pé: “Tinubu gbọ́dọ̀ lọ. A fẹ́ kí àwọn òṣìṣẹ́ ológun Nàìjíríà gba ìjọba. N kò mọ ìdí tí wọ́n fi ń bẹ̀rù.”
Àwọn ènìyàn tí pín fídíò yìí lọpọlọpọ lórí àwọn ohùn ibaraẹnise/ibaraẹnisọrọ bíi fesibuuku , ohun ibaraẹnise àlámì krọọsi àti Wasapu.
Ẹnì kan tí ó ń lo X tí a mọ̀ sí @SabinaNkiru tí ó ní àwọn ènìyàn tí ó lè ní ẹgbẹ̀rún mọ́kànlá tí wọ́n ń tẹ̀lée fi fídíò kan síta tí àkòrí rẹ̀ sọ pé: “Àwọn afiẹhonu hàn ní Ìbàdàn dí ọ̀nà fún àwọn ọkọ̀ àwọn òṣìṣẹ́ ológun, wọ́n sì béèrè lọ́wọ́ wọ́n pé kí ló dé tí ẹ̀ru se ń bà wọ́n láti gba ìjọba lọ́wọ́ Tinubu.”
Àwọn ènìyàn ẹgbẹ̀rún kan àti ẹẹdẹgbẹrin ni wọ́n ti rí ọ̀rọ̀ náà tí a fi pamọ níbí. Àwọn ènìyàn méjìdínlógún ló ti fi í síta gẹ́gẹ́bí wọ́n se kọọ.
Ẹlòmíràn tí ó ń lo X tí a mọ̀ sí @PrinceUjay, tí ó ní àwọn ènìyàn tí wọ́n ń tẹ̀lée tí wọ́n lé ní ẹgbẹ̀rún marundinlogoji fi fídíò náà síta pẹ̀lú àkòrí tó sọ pé:
“Nǹkan di wàhálà síi ní Ìbàdàn bí àwọn afiẹhonu hàn tí wọ́n dí ọ̀nà tí àwọn ọkọ̀ àwọn òṣìṣẹ́ ológun yóò gbà kọjá tí wọ́n sì ní kí àwọn òṣìṣẹ́ ológun gba ìjọba, wọ́n ní ìnira ìgbà ìjọba Tinubu yìí kò ṣeé fara dà.”
Àwọn ènìyàn ẹgbẹ̀rún méjì ni wọ́n ti rí ọ̀rọ̀ yìí. Àwọn ènìyàn mẹtadinlọgbọn ló fi síta gẹ́gẹ́bí wọ́n ṣe kọọ. A fi pamọ níbí.
A fi àwọn ọ̀rọ̀ mìíràn tí àwọn ènìyàn sọ nípa ọ̀rọ̀ náà pamọ níbí àti níbí.
AYẸWO
Ayẹwo fídíò náà fi yé wa pé ẹni kan tí ó ń lo Tiktok tí a mọ̀ sí @mikkyforlife0 ló fi fídíò náà síta. Àwọn àyẹ̀wò lórí Tiktok ẹni yìí fi yé wa pé wọ́n fi fídíò náà síta ní ọjọ́ kejì, oṣù kẹjọ, ọdún 2024 nígbà tí àwọn ènìyàn se ẹhonu tí wọ́n pè ní #EndBadGovernance ní Nàìjíríà.
Ẹhonu nípa ọ̀wọ́n gógó àwọn nǹkan yìí wáyé ní ọ̀pọ̀lọpọ̀ ibi ní Nàìjíríà láti ọjọ́ Kínní sí ọjọ́ kẹwàá, oṣù kẹjọ, ọdún 2024.
Ní àfikún, àwọn ènìyàn fi ohun ìpolongo ìbò fún Asue Ighodalo, Ólùdíje fún Ipò Gómìnà nínú ẹgbẹ́ òsèlú Peoples Democratic Party (PDP) sí orí ohun ìpolówó kan lójú ọ̀nà nígbà ìfiẹhonuhan yìí ní Benin City,olú ìlú Ìpínlẹ̀ Edo.
Àwọn afiẹhonu hàn yìí rìn kọjá òpópónà tí ó dá sí méjì tí ó wà ní iwájú ibi tí àwọn ọkọ̀ ilé epo TotalEnergies máa ń wà ní Benin City. Ilé epo yìí wà ní ojú ọ̀nà tí a mọ̀ sí Upper Mission Road, ní Benin City.
BÍ A ṢE RÍ Ọ̀RỌ̀ YÌÍ ṢÍ
Ọ̀rọ̀ tí ó sọ pé àwọn afiẹhonu hàn ní Ìbàdàn sọ pé kí àwọn òṣìṣẹ́ ológun gba ìjọba kìí se òótọ́ nítorí pé Benin City ni wọ́n ti ya fídíò náà nínú oṣù kẹjọ nígbà tí àwọn ọmọ Nàìjíríà ń fi ẹhonu hàn nípa àwọn nǹkan tí wọ́n wọ́n gógó ní Nàìjíríà.
