Ọhaneze Ndigbo, òtù na-akwalite omenala, ekwuola na e nwere ndị Naijiria otu nde na ụma narị puku atọ (1.3 million) nọ n’ụlọ nga na obodo India.
Okechukwu Isiguzoro, onye secretary -general nke òtù ahụ, kwuru nke na mbipụta okwu iji nabata Narendra Modi, onye isiala obodo India, na Naijiria.
Isiguzoro, onye sịrị na ọnụogugu a bụ nke sitere na “ozi e nyochara ọfuma”, kwuru na ndị Niajiria nọ na ngã na India bụ ha kachasị na obodo ndị ọzọ.
“Ihe nwute nye anyị bụ ọnọdụ ndị Naịjirịa na mba ofesi — nke mmadụ otu nde na ụma narị puku atọ (1.3m) nọ̀ na nga na steeti iri abụọ na asatọ nke obodo India, nke bụ ọnụogugu ndị Naijiria kachasị na obodo niile,” ozị a kwuru.
“Ọnụogugu dị otú a kwesịrị ị nata nleba anya nke obodo ahụ.”
Isiguzoro boro ndị ǹdú obodo India ebubo ịkpọchi ndị Naijiria n’enweghị ihe ha mere na nga, ma yọ ka e welite okwu dị ótú a elu n’ime ihe ndị dị mkpa Tinubu na Mordi ga-àkpá.
“Anyị na-ayọ onye isi ala Bola Tinubu ka o kwuo gbasara ịtọghepụ ndị a kpọchịrị na ngã n’obodo ahụ, site n’ọnọdụ ịgbaghara ha mpụ ha mere, nke n’egosi nkwenye n’ikpe nkwụmọtọ,” Isiguzoro kwuru.
Isiguzoro kwuru na ozi a bụ ịji chekwaa ugwu ndị nọ na mmekpa ahụ na mmegide nke agbụrụ ha a na-akpọ racism.
È nwèrè ńdị́ Naijiria 1.3m nọ́ n’ụ́lọ ǹgá na India?
Ị́ nyocha okwu a, TheCable lebara anya na website ụlọrụ ngã obodo India bụ National Prisons Information Portal (NPIP), nke bụ atụmatụ gommeti obodo ahụ ịhụ na e gosiri ọnụogugu ndị niile nọ na ngã India.
Dịka website ahụ kwuru, ozi dị na nya bụ̀ nke ana e dezighara kwa áwà anọ ọbula. Ozi dị ebe ahụ na egosi ndị niile nọ n’ụlọ nga n’obodo ahụ.
TheCable bịara yọchasia ọnụogugu ndị nga nile na website ahụ, ma chọpụta na ọ bụ naanị na steeti iri abụọ na ise (25) n’ime steeti iri abụọ n’asaato (28) ka a kpọchiri ndị Naijiria na nga n’obodo ahụ.
Dịka n’ụbọchị iri abụọ nke ọnwa Novemba, website ahụ na-egosị ọnụ ọgụgụ ndị a kpọchiri na nga dị puku narị ise, iri abụọ na isii, narị ise na iri isii na itolu (526,569 inmates). Ebe ndị bụ ndị Naijiria pụtara otu puku, narị itoolu na iri atọ n’atọ (1,933 inmates).
Steeti Manipur nwere ọnụogugu ndị Naijiria nọ na ngã kachasị nke bụ mmadụ otu puku na itoolu (1,009 inmates), Ebe steeti ndị dị ka Meghalaya, Andhra Pradesh, Assam, and Puducherry nwere naanị otu onye kwa steeti bụ ndị akpọchiri na ngã.
Nchikota ha bụ nke gosịrị na e nwere nweli n’ọnụ ọgụgụ mmadụ otu puku na otu nari (1,100 inmates) ndị a kpọchiri na ngã n’afọ 2015 n’obodo ahụ, dịka, Ajjampur Ghanashyam, onye bụ bụrụ high commissioner obodo India na Naịjiria, kwuru.
Okwu Isiguzoro bịara karịzie nchịkọta ọnụogugu ndị niile nọ nga n’obodo ahụ.
ŃCHỊ́KỌ́TÁ
Okwu na e nwere ndị Niajira otu nde na ụma narị puku atọ (1.3 million) na ụlọ nga dị n’obodo India bụ asị.
Ozi si na ngalaba gọọmenti obodo ahụ kwuru na naanị ndị Naijiria otu puku, narị itolu na iri atọ n’atọ (1,933 inmates) nọ na nga n’obodo ahụ.
