Ótù onye na TikTok ekwuola na atụmatụ ikewa Oyo steeti ụzọ abụọ abụrụla iwu.
Na ihe nkiri otu nkeji na tinkom tinkom iri atọ n’ise, asafe ahụ na TikTok bụ –@Eddieblisshotline– kwuru na e keputala steeti ọhụrụ n’ime Oyo.
Ihe nkiri ahụ enwetala nkwenye karịrị puku iri anọ n’itoolu na narị itoolu (46.9K likes), ntụnye ọnụ puku atọ na narị asaa n’iri atọ n’ise (3,735 comments), ya na nkesa puku isii na otu narị n’ịrị atọ n’itoolu (6,139 shares) na TikTok.
Onye a gara n’ihu kwuo na Ibadan nke bụ isi steetị Oyo ga-abụzi steeti nọrọ ọnwe ya ma nwee Ibadan Town dịka isi obodo.
Ọ gwara ndị steeti ahụ ka ha gbaa mbọ mata steeti ebe ha ga eso n’ihi nkewa ahụ.
“Ozi mberede; e kewaa Oyo steetị ụzọ abụọ. Ị ma na Ibadan bụ isi obodo steeti Oyo. Ugbu a, ha n’ekwu na Oyo ga-abu steeti, ebe Oyo town ga-abụzi isi obodo Oyo steetị,” onye a kwụrụ.
“Ótù ụzọ a ka a ga-esi nwe Ibadan nke bụ isi obodo Oyo, ọ ga-abiazị bụrụ steeti nọrọ ọnwe ya, ebe Ibadan town ga-abụzi isi obodo nya bụ steetị.”
@edyblisshotline Reps splits Oyo State into 2. #nigerian #endbadgovernanceinnigeria ♬ original sound – Eddie Bliss🎧💎
E kesala ozi dị ka nke a na Instagram nakwa Facebook.
È KÉPÙTÁLÁ STEETI ỌZỌ N’ÍMÉ OYO?
N’ụbọchị iri abụọ n’abụọ nke ọnwa October, atụmatụ iwu ikepụta steeti ọzọ n’ime steeti Oyo gafere ngụpụta nke abụọ n’ụlọ omeiwu Naijiria bụ house of representatives.
Atụmatụ iwu a nke Akeem Adeyemi, onye nnọchiteanya Oyo federal constituency n’ụlọ omeiwu house of representatives, chọrọ ka enwogharịa iwu ala Naijiria nke afọ 1999, site na nkewapụta steeti ọhụrụ a.
Adeyemi kwuru na nkewapụta steeti ahụ bịara dị mkpa n’ihi nnukwu obosara ala nke steeti ahụ nwere, nke ọ si n’ọbụ ya kachasị na south-west, nke nwere LGA iri atọ n’ato, ya na ọnụọgụgụ mmadụ dị nde ise, puku narị ise na iri asatọ, narị asatọ na iri itoolu n’anọ (5,580,894 people) na ọnụọgụgụ census afọ 2006.
Tupu atụmatụ ịwụ ọbụla abụrụ iwu, ọ ga-agafe ngụpụta atọ na ụlọ omeiwu senate na house of representatives, ya na ntụnye ndị mmadụ nwere mmasị na ya bụ iwu.
Ọ bụrụ na e mezuo ihe ndị a, a ga-abịazie wegara ya onye isi ala ka ọ bịanye aka na nkweta maọbụ ọ̀jụ́jụ́.
ŃCHỊ́KỌ́TÁ
Okwu na e keputala steeti ọhụrụ na Oyo bụ àsị́.
