Ótù onye na X bụ @xagreat kwuru na Kaduna steeti adọtabeghị akụ mba ofesi, nke bekee na-akpọ foreign direct investment (FDI), kamgbe Nasir el-Rufai, onye bụburu gọvanọ steeti ahụ, pụrụ n’ọchịchị.
Onye a kwuru na a ga-ewepu Uba Sani, gọvanọ steeti ahụ, n’ọchịchị na ntụli aka a ga-eme n’afọ 2027.
“Kamgbe el-Rufai pụrụ n’ọchịchị, Kaduna enwetabeghị ntinye ego si mba ọzọ bụ foreign direct investment. Nke a bụ ihe a na-akpọ obodo ịnaghachi azụ,” ozi ahụ kwuru.
“Anyị ga-achụpu Ụba Sani n’afọ 2027, iji zọpụta Kaduna n’ịda mbà.”
Ozi a enwetala nkiri karịrị puku iri na anọ (14,000 views), nkwenye narị abụọ n’iri atọ n’abụọ (232 likes), na nkesa iri asaa n’asatọ (78 reposts), dịka n’ụbọchị anọ nke ọnwa March.
GỊ́NỊ KÀ FDI JÌRÌ DỊ́ ḾKPÀ?
FDI bụ ntinye ego sitere n’aka otu onye bànyé azụmahịa n’obodo ọzọ, nke ebumn’uche yá bụ̀ írite úrù n’ogologo oge.
Ọ bụ ísí n’ime ọtụtụ ihe na-akwalite akụ n’ụba obodo, site na ịkepụta ọrụ, ịmụba azụmahịa, ịkwalite ego obodo na-anata n’ụtụ tax, nkwalite obodo, ya na mmụba nchekwa akụ obodo ọbụla.
Na mgbakwunye, FDI na-akwalite akụnụba obodo ọbụla n’anya mba ndị ọzọ, n’ihi na ọbọdo ọbụla n’enweghị ntínyé ego sí mba ọzọ ka a na-ahuta dịka ndị n’etozughị oké ka ndị azụmahịa tinye ego ha.
ŃNYÒCHÁ
Sani batara n’ọchịchị dịka gọ́vánọ̀ n’ụbọchị iri abụọ n’itoolu nke ọnwa May nke afọ 2023.
Cable Check nyochara isi ego si mba ọzọ steeti ahụ webatara na webusite National Bureau of Statistics (NBS), site n’ọnwa June ruo August nke afọ 2023, ruo ọnwa atọ ikpeazụ nke afọ ahụ.
Ozi ahụ gosịrị na Kaduna enwetaghị ntinye ego si mba ọzọ site n’ọnwa June ruo August nke afọ 2023, ya na n’ọnwa April ruo June nke afọ 2024.
N’ozi ikpeazụ nke nwebata ego nke sitere na mba ọzọ NBS bipụtara, Kaduna nwetara otu nde dollar n’ụma puku iri itoolu n’ise ($1.95 million) n’ọnwa Julaị ruo September nke afọ 2024.
NBS sị na Kaduna sò otu n’ime steeti ise ndị nwere nwebata ego si mba ọzọ site n’ọnwa Julaị ruo September nke afọ ahụ, nke nwere otu nde dollar n’ụma pụku iri itoolu n’ise ($1.95 million), nke bụ ụma pasentị iri n’isii (0.16%) n’ime ego niile si mba ọzọ Naijiria nwetara na ntinye ego n’ọnwa ahụ.
ḾKPÉBÌ
Okwu na Kaduna enwetabeghị ntinye ego si mba ọzọ kámgbè el-Rufai pụrụ n’ọchịchị bụ asị.
