Adesanmi Akinsulore, onye ọ̀kà nkuzi na-ahụ maka ọrịa uche n’ụlọ ọgwụ nkụzi dị na mahadum Obafemi Awolowo University na Ile-Ife, kwuru na Naijiria nwe ọkwa isii n’ọnụ ọgụgụ obodo ebe ndị mmadụ na-ewere ndụ nke ha.
Site na mbipụta PUNCH, Akinsulore kwuru nke a na nkụzi nke ụlọrụ akpọrọ The Still Waters Mental Health Foundation. É hibere nkụzi a na mahadum Ladoke Akintola University of Technology, Ogbomoso, dị na Oyo steeti.
O kwuru na ọ dị mkpa ka ọha jikọta aka ọnụ were leba ányá n’ọdachi igbu onwe, ọkachasị ka o si emetụta ụmụ akwụkwọ.
“A na enwe ótù ọnọdụ mmadụ iwere ndụ ya n’ime mmadụ iri abụọ n’ise (25) chere uche igbu onwe ha. Na afọ 2021, mmadụ iwe ndụ nke ya bụ ihe kpatara ọnwụ ndị agbara afọ iri na ise na afo iri abụọ n’itolu (15 to 29 years) n’ụwa niile,” Akinsulore kwuru.
“Ịmemila nya bụ ọnọdụ kwesịrị ịbụ ihe aga-abiakota ọnụ mee, iji kepụta ọnodu n’akwado ọdịmma nke ụmụ akwụkwọ.”
ḾGBÁRÌ ÁKỤ́KỌ́
Dịka ụlọrụ n’ahụ maka ahụike nke ụwa niile bụ World Health Organisation (WHO) kwuru, ihe karịrị mmadụ puku narị asaa (700,000) nwụrụ site n’iwe ndụ nke ha kwa afọ, nke pụtara ìhè site na ncheputa ịgbụ onwe ha ruru iri abụọ (20) kwa ọnwụ ọbụla.
Ụlọrụ a kwụrụ na mmadụ iwe ndụ ya bụ ihe n’ebute ọnwụ ụmụ nwoke na nwaanyị ndị dị n’etiti afọ iri na ise ruo afọ iri abụọ n’itolu (15 — 29 years) n’ụwa niile, ma gbakwunye na percentị iri asaa na atọ (73%) nke ọnwụ mmadụ jiri aka ya nwụọ na-emekarị n’obodo ndị n’emepe-emepe.
Ihe n’emekarị ka mmadụ were ndụ nke ya n’abukari maka oke nchegbu bekee
Kpọrọ depression, ịṅụ óké mmanya na-aba n’anya, ọnwụ mmadụ, mmadụ ibi naanị ya, ịkpa mmadụ ókè, nghọtaghe di etiti nwoke na nwaanyị, ụkọ ego, ọrịa, mmekpa ahụ, ya na ihe mberede ndị ọzọ.
Enwela akụkọ mmadụ iwere ndụ ya na Naịjiria na nso-nso a.
N’ọnwa Ọktoba, Omolayo Bamidele, otu nwoke gbara afọ iri ise n’asaa, ka e kwuru n’owerere ndụ nke ya n’obodo Igburowo nke dị na Odigbo LGA na Ondo steeti.
Ndị obodo ahụ kwuru na ha hụrụ ózú Bamidele na n’okporo ụzọ ebe otu botulu dịka kemical bekee kporo Snipper nọ n’akụkụ ya.
N’ọnwa Septemba, Gabriel Magaji, onye dị afọ iri atọ n’asaa nke obodo Masaka na Karu LGA nke Nasarawa steeti, gburuonwe ya n’ihi akụkụ na nwunye na-agba n’ezi.
NAIJIRIA Ọ̀ BỤ̀ Ị́SỊ́Ị́ N’Ọ́NỤ́Ọ́GỤ́GỤ́ ÒBÒDÒ N’ÉWÉRÉ NDỤ̀ ÓNWÉ HÁ?
CableCheck kpoturu Akinsulore ịmata ebe o si nweta ọnụogugu ọ kporo, mana o kweghị agwa anyị ebe ọ sịrị nweta nya bụ ozi.
K’osiladi, nyocha CableCheck mere site na ngalaba nyocha ha bụ CableCheck gosiri na dịka ozi WHO pibutara, n’ubochi asaato nke onwa January nke afọ 2024, kwuru na Naijiria bụ obodo otu narị na iri ise n’asaa (157) n’obodo ndị mmadụ n’éwere ndụ̀ onwe ha, nke nwere ndị gbugoro onwe ha di atọ n’uma ise kwa otu puku narị mmadụ (3.5 suicides per 100,000 people).
Obodo no isi nya bụ ọnụogugu bụ Lesotho, ńké nwere ọnụogugu mmadụ were ndụ̀ ha dị iri asaa n’uma anọ kwa otu puku narị mmadu (72.4 suicides per 100,000 people), obodo Guyana nke nwere ọnụgugu mmadu iri anọ n’uma ato kwa otu puku narị mmadu (40.3 suicides per 100,000 people), obodo Eswatini ńké nwere ọnwụ dị iri abụọ n’uma anọ kwa otu puku narị mmadu (29.4 suicides per 100,000 people), Republic of Korea nwere iri ábụ́ọ́ n’asaato n’uma isii kwa otu puku narị mmadu (28.6 suicides per 100,000 people), Kiribati nwere iri ábụ́ọ́ n’uma ato kwa otu puku narị mmadu (28.3 suicides per 100,000 people), ebe Micronesia nwere iri abụọ n’asaato n’uma abụọ kwa otu puku narị mmadu (28.2 suicides per 100,000 people).
Ndị ọzọ bu Lithuania nke nwere iri abụọ n’isii n’uma otu kwa otu puku narị mmadu(26.1 suicides per 100,000 people), Suriname ńké nwere iri ábụ́ọ́ n’ise n’uma ano kwa otu puku narị mmadu (25.4 suicides per 100,000 people), Russian Federation nwere iri abụọ m’ise n’uma otu kwa otu puku narị mmadu (25.1 suicides per 100,000 people), ebe South Africa nwere iri abụọ n’atọ n’uma ise kwa otu puku narị mmadu (23.5 suicides per 100,000 people).
Ozi ahụ kwuru na Micronesia bu ya bụ òbòdò isii nwere onwu mmadụ nke onye ahụ jiri aka ya were ndụ ya.
ŃCHỊ́KỌ́TÁ
Niajiria abụghị isii n’obodo ebe ndị mmadụ na-ewere ndụ nke ha.
