N’ụbọchị Tuesday, ụfọdụ ndị mmadụ na soshal midia kwuru na ndị na-eme ngagharị iwe na Ibadan gwara ndị mịlịtrị ka ha nara onye isi ala Bola Tinubu ọchịchị.
N’ihe nkiri otu nkeji ahụ, a hụrụ ka ụgbọala bù ụfọdụ ndị mịlịtrị ji nwayọ anyagharị n’okporo ụzọ, ebe ụfọdụ ndị na-eme ngagharị iwe nọ n’ihu ha.
A nụrụ ka otu olu nwoke na-ekwu “Tinubu ga-àlá. Anyị chọrọ ka ndị agha mịlịtrị were ọchịchị. A maghị m ihe égwù ji atụ ha.”
E kesaala nya bụ ihe nkiri na Facebook, Twitter, na WhatsApp.
Ótù onye na X, @SabinaNkiru, onye nwere ndị na-eso ya ruru puku iri n’otu (11,000) bipụtara nya bụ ihe ngosị nke isi okwu ọ dere bụ “Ndị ngagharị iwe na Ibadan agbabichiela ndị mịlịtrị ụzọ ha si agafe, ma jụọ ha ihe mere égwù ji atụ ha ịnara Tinubu ọchịchị.”
Mbiputa a enwetala nkiri karịrị otu puku na narị asaa (1,700) na ntụnye ọnụ iri n’asaa (17 quotes). Gụọ ya eba.
Onye ọzọ na X, @PrinceUjay, nwere ndị na-eso ya ruru puku iri anọ n’ise (45,000) biputakwara otu ihe nkiri ahụ, ma dee sị na “ọnọdụ ihe na Ibadan nwere ka ọ dizi, dịka ndị na-eme ngagharị iwe gbabichiri ụgbọala ndị mịlịtrị Naijiria, ma na-ayọ ha ka ha nara ọchịchị maka na ahụhụ akariala n’ọchịchị Tinubu.”
Ozi ahụ enwetala nkiri karịrị puku abụọ (2,000) ya na ntụnye ọnụ iri abụọ n’asaa (27 quotes), nke e chekwabara ebe a.
Ụfọdụ mbipụta otu okwu a bụ ndị e chekwabara ebe a n’ebe a.
ŃNYÒCHÁ
Nnyocha mbipụta ahụ gosịrị na otu onye na TikTok bụ @Mikkyforlife0 bụ onye mbụ bipụtara nya bụ ozị.
Ọchịchọ anyị mere n’otu asafe ahụ na TikTok gosịrị na onye a biputere nya bụ ihe ngosị n’ụbọchị abụọ nke ọnwa August nke afọ 2024, mgbe e mere ngagharị iwe EndBadGovernace na Naijiria.
Ngagharị iwe a megidere agụụ bụ nke e mere bido n’ụbọchị mbụ ruo ụbọchị iri nke ọnwa August nke afọ 2024 (August 1 -10).
Ọzọ kwa, ihe ngosị ndọrọndọrọ ọchịchị nke Asue Ighodalo, onye jiri parti PDP zọọ ọkwa gọ́vanọ̀ na Edo steeti, bụ nke a hụtara n’ihe ngosị ahụ.
Ndị a na-eme ngagharị iwe a nwere ngagharị ha n’okporo ụzọ gbara abụọ n’ihu ụlọ mmanụ Total Energies lorry park filling station nke dị na Benin.
Ụlọ mmanụ filling station bụ nke dị n’okporo ụzọ upper mission nke dị na Benin, Edo steeti.
Ị́hé ngósị́ Google Earth nkè ókpóró úzò ébé ńyá bụ́ ńgághárị́ ị́wé mèrè nà Benin.
ŃCHỊ́KỌ́TÁ
Okwu na ndị na-eme ngagharị iwe na Ibadan gwara ndị mịlịtrị ka ha nara ọchịchị bụ àsị́. Nya bụ ihe nkiri bụ nke e sere na Benin mgbe e nwere ngagharị iwe EndBadGovernace na ọnwa August.
