Ótù ihe nkiri na-egosị ózú mmadụ n’elu ibe ya n’ala ili dị obosara bụ nke a sịrị na ọ sitere na Naijiria.
Na ụbọchị iri atọ nke ọnwa August, ótù asafe na X nke aha ya bụ @emmasocket bipụtara ihe ngosị ebe ụmụ nwoke yì uwe ndị soja, na-agba ndị na-agba ọsọ egbe.
Asafe ahụ nwere ihe ngosị Simon Ekpa, onye na-ekwupụta onwe ya dịka onye na-eso ụzọ Nnamdi Kanu, onye ndu ndị Indigenous People of Biafra (IPOB) nọ na nga.
N’ihe ngosị a esere na mpaghara na-enweghị mmadụ ọbụla na ya, a hụrụ ọtụtụ ozu ndị mmadụ juru n’ala ili.
“Ka ụwa mara agha nzuzo na-eme na ala Biafra,” onye a biputara na X.
“Anyị enweghịzị ike ịnagide nke a ọzọ. Naanị ụzọ esi apụta n’ara ọgbụgba a bụ ka obodo a bụ ogige ụmụ anụmanụ a na-akpọ Naijiria ikewa. BIAFRAN n’ụwa niile @simon_ekpa na ndị otu kabinet ya nọ ebe a iji nyere anyị aka.”
Dịka oge e dere akụkọ a, ozi ahụ enwetala ihe karịrị nkiri otu puku (1000 views), nkwenye iri asaa n’isii (76 likes), na nkesa iri isii (60 retweets).
N’ụbọchị iri atọ n’otu nke ọnwa August, @AmadiohaOd3671, otu asafe na X nke nwere nnukwu ndị na-ege ya ntị kesara nya bụ ihe ngosị ma kwuo sị na “atụmatụ ha abụghị naanị ime ka obodo niile bụrụ ndị okpuperechi Allah, kama ọ bu ịnakọrọcha ala niile yana ịchị Niajiria.”
N’agbanyeghị na asafe ahụ ekwughị onye ọ na amaikpe site na mbipụta ahụ, ọtụtụ okwu n’oge gara-aga egosịla n’ótú ọnọdụ okpukperechi nke onye isi ala na osote ya bụ mbo ime ka Niajiria bụrụ obodo okpukperechi Allah.
Ozi ahụ enwetala nkirị ruru puku iri anọ na atọ na ụma narị atọ (48.3k views), nkesa narị asatọ na iri na itolu (819 retweets), ntụnye ọnụ narị isii na iri abụọ n’asaa (627 comments), yana nchekwa ịgụ mgbe ọzọ na nkwenye kariri otu narị (100 likes and bookmark)
Mànà ògbúgbú ndị mmadụ à ò mèrè na Naijiria?
ÍNYÒCHÀ ÓKWÚ À
Iji chọpụta mgbe mbụ ihe ngosị a pụtara, TheCable jiri ngwa ọrụ Google Reverse Image Search were nyochaa ọtụtụ akụkụ nke ihe ngosị ahụ.
Ihe anyị chọpụtara gosịrị na nya bụ ihe nkiri pụtara n’ụbọchị iri abụọ n’ise nke ọnwa August.
Dịka ozi nke na-esochi ya kwuru, ọnwụ ọtụtụ ndị mmadụ a bụ nke á sị̀ na ọ bụ ndị agha militant Jama’at Nusrat al-Islam wal Muslimeen (JNIM), ótù ndị agha yana Al Qaeda nwere njikọ, nke dị na obodo Burkina Faso kpatara.
Ozi ahụ kwuru na JNIM egbuola ndị karịrị narị abụọ, ma nwee mmerụ mmadụ ruru otu narị na iri anọ ahụ, mgbe ndị obodo ahụ na-enyere ndị nchekwa obodo ahụ aka igwu ala iji rụọ ụlọ ebe nche ha.
Ụfọdụ asafe teknuzu bekee na-akpọ bot account kesakwara nya bụ ihe ngosị.
N’ụbọchị iri abụọ n’asatọ nke ọnwa August, War Noir, onye nnyocha ngwa agha nà nsogbu, biputara ihe ngosị ahụ. Ọ gbakwunye na ihe ngosị ahụ bụ nke mere na obodo Burkinabe nke Barsalogho.
Ọtụtụ ụlọ mgbasa ozi kwadoro nà mwakpo ahụ mere n’ụbọchị iri abụọ n’anọ nke ọnwa August. O tinyere na ụmụ nwanyị na ụmụaka sò na ndị e gburu.
Ụlọ ọrụ United Nations (UN) kọwara mwakpo ahụ dịka ihe nwute, ma gwa ọchịchị Burkina Faso ka ha hụ na a kpọchiri ndị mere nya bụ nwakpo na nga.
Na mgbakwunye, Edward Buba, onye ndu nke ọrụ mgbasa ozi nchekwa, wepụtara ozi nkwupụta na ụbọchị Mọnde nke na-akọwa na ihe ngosị ahụ esighị Naijiria.
“Ọ kwesịrị ka onye ọbụla mata na nwakpo ahụ emeghị na Naijiria. Kama, ọ bụ ihe nwute na ọ mere na obodo Afrịka dị nso na Naijiria, nke na-enwe nsogbu nchekwa,” Buba kwuru.
“Na òzùzú òkè, anyị na-arịọ ndị mmadụ ka ha gbado anya ịhụ na ha akwadoghị omume ndị omekome site n’ịgbasa ozi na-ezighị ezi,” o tinyere.
ŃCHỊ́KỌ́TÁ
Ozi na nwakpo ahụ nke gosịrị ózú ọtụtụ ndị mmadụ nke a sịrị na o mere na Naijiria abụghị eziokwu. Mwakpo ahụ mere na Burkina Faso.
